The Definitive Guide to Living in the Capital , Cairo , Egypt

كتب
الحالة سايكو

الحالة سايكو: الجواب بـ يبان من إهداؤه

  • عمرو الانكشارى
  • أدب ساخر
  • من الآن
  • عربي عربي
  • 30 EGP
  • مكتبات وسط البلد، والشروق
تم التقييم بواسطة
Ahmed Abd El Gawad
قيم
قيم الآن
الحالة سايكو: الجواب بـ يبان من إهداؤه

لإهداء فقرى بجد:

إلى رفيقة الطريق

إلى شريكة حياتى

إلى من أضاءت لى الطريق

إلى كل ما أملك

إلى أعز ما أملك

إلى..

عربيتى الأفيو 2006…!

 

هـ تموت من الضحك:

عمرو الانكشارى كائن ضاحك بطبعه، ربنا أعطى له موهبة الضحك دايمًا والقدرة على انتزاع البسمة منك.. كتاب ننصحك تقرأه لو أنت مكتئب.. لأن أكيد هـ تضحك.. لأ هـ تموت من الضحك.

 

هـ تموت:

النظرية..

وبما أن كلنا هـ نموت

فلازم نعيش حياة حلوة في الأول..

وعلشان نعيش حياة حلوة لازم نبقى أسوياء

وعلشان نبقى أسوياء يبقى لازم تكتشف السايكو..

 

الجهاز:

الكتاب هو جهاز لكشف السايكو، يعنى بـ يكتشف الأفعال الخاطئة اللي بـ نعملها في حياتنا اليومية، فيه مجموعة حالات مجنونة لازم تكون حضرتك عديت عليها أو غيرك وساعتها استنى المفاجأة.

 

المفاجأة:

بعد ما تقرأ الكتاب هـ تكتشف أنك سايكو في بعض حالاتك.

وأن صاحبك كده برضه.

وحد من قرايبك.

وعيل من عيالك إن لم يكونوا كلهم.

والمدام طبعًا

ومديرك في الشغل (بس ما ينفعش تقول)

 

فواصل:

الكتاب بـ يتكلم عن من أنتم.. إشارة مرور.. سي في.. الاستراحة الأولى (إعلانات).. عقبالنا كلنا.. قصيدة مش عارف.. اشهد يا تاريخ.. اختارنا لك.. الاستراحة الأخيرة (خذوا الحكمة من أفواه المجانين).. والسلام ختام.. بانوراما بـ يتكلم فيها عن حالات كثير تقريبًا أغلبنا بـ يعملها لكنه في المقام الأول راصد جيد جدًا والكتاب نقدر نصنفه اجتماعي نفسي بالدرجة الأولى.. في الختام بـ يقول رباعية لعم صلاح وبـ يرجو أنه يكون جنن الناس وبـ يشكر قراؤه.. وبـ يدفع للعلاج. (تحية للانكشارى)

 

عنبر العقلاء:

إزاى تعرف نفسك إذا كانت عاقل ولا مجنون.. أنت في أي عنبر العقلاء ولا المجانين، أنت بـ تكدب؟

بوشين؟

بـ تتأخر على مواعيدك علشان مفترض أن الآخر هـ يعمل كده؟  

بـ تركز في حالك ولا في حال الناس

بـ تضحك مع زمايلك وأنت مبسوط، ولا بـ تضحك عليهم..

 

الخريطة:

علشان تقرأ الحالة سايكو حضرتك محتاج خريطة.. والخريطة دي هـ توضح لك طريقة كتابة الانكشارى واللي ماشية على قواعد ثابتة وواضحة:

الانكشارى قارئ علم نفس بجد.

يجيد صياغة كلامه.

بـ يفهم في الناس.. يعني بالدارجة "يفنطك وأنت قاعد"

الكتاب ده حصيلة خبرة شخصية ومعرفة ناس كثير.. عمرو يعرف أصحاب كثير.

الكتاب ده عدى على كذا حد قراه بعد ما كتبه عمرو وعلق عليه.

إحنا أمام مشروع كاتب قوى ومبهر وجديد.

الأسلوب الأمثل للتعامل مع الكتاب ده.. ارجع للمقدمة:

"نطلب من السادة القرّاء أثناء قراءة الكتاب، ربط الأحزمة، وأخذ نفس عميق، وكوب شاى مع قطعة جاتوه والابتعاد عن أى مؤثرات خارجية وداخلية".

عجبك ؟ جرب

أنا حقًا أعترض لنفس المؤلف.

عن الكاتب

عمرو الانكشارى، كاتب ساخر اعتاد أن يتناول في مقالاته الساخرة بعض الأفكار والأفعال الغريبة التي تسود مجتمعنا، ولكن بطريقته الخاصة، من مواليد 1977، شارك في تحرير بعض الأفلام الوثائقية وصدر له كتاب "أنا حقًا أعترض" عام 2013.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح