The Definitive Guide to Living in the Capital , Cairo , Egypt

الحب الصناعى

الحب الصناعى: الناس اللى عايشة فى تروس الحياة

  • منال زكى
  • من الآن
  • عربي عربي
  • 2 جم
  • مكتبات وسط البلد، ومكتبات الهيئة العامة لقصور الثقافة
تم التقييم بواسطة
Rasha Zeidan
قيم
قيم الآن
الحب الصناعى: الناس اللى عايشة فى تروس الحياة
“الحب الصناعي” مجموعة قصصية للكاتبة منال زكى بـ تتكون من 32 قصة.. كثير، صح؟ لكن ومع تحفظنا علي بعض القصص إلا أننا شايفين صعوبتها في سهولتها يعني الحاجة السهلة قوى مش أي حد يعرف يكتبها، يعني القصة في صفحة أو اثنين أصعب بكثير من القصة الطويلة.
“ليس لكل البشر” أول قصة واللي بـ تتكلم عن مرأة ورجل في قطار رايحين إلي الإسكندرية لحضور مؤتمر، الرجل زى ما بـ يظهر من الحكى معروف عنه أنه “ذئب” يجيد اقتناص الفرص ودى الشخصية اللي كلنا بـ نقابلها في شغلنا.

ما علينا خلونا فى القصة. الرجل ده ساندته امرأة في الحصول علي مركز علمي دولي وبعدين سابها. أما الست اللى بـ تحكى لنا القصة فبـ تقول: “ولما لمحت فى عينه الدموع دفعنى الفضول لاقتحامه وإلقاء التحية عليه ولما سألته بـ تعجب طيب ليه سبتوا بعض كان رده أنها طلبت كده ومع أننا سيبنا بعض إلا أنها فضلت سندي حتي بعد الانفصال أما هي فاختارت أن يكون “الله” هو سندها الوحيد”.
وطبعًا كلنا عارفين مين القناص اللي بـ يتسلق علي ظهورنا علشان يوصل ومين اللي بـ يوصله… نقول لكم وتخلوها فى سركم.. “إحنا بضعفنا”، عمومًا القصة خفيفة خالية من التعقيد بـ تحكى بشكل بسيط وهادى.
أما باقي المجموعة القصصية فمنها “اقتراب، غارة علي غرام، يكفي نور الله، الصبار ينفذ صبرًا، يعيشون بيننا، حائط يمل بي، ملحمة بلا سلاح، السكين، الشمال الشرقي،……”.

ومن القصص اللى فيها إسقاط على الواقع قصة “الصبار ينفذ صبرًا” واللى بـ تحكي عن زرعة صاحبتها بـ تحاول تحييها بالماء لكنها بـ تفشل وفجأة بـ تخضر الزرعة مرة ثانية واللى بـ تكتشف فجأة أن الصبار كان بـ يشاركنا محنتنا قبل 25 يناير وكأن كل الحياة أحست بالثورة.

مجموعة منال زكى فيها كلام عن الحب والثورة، والنفعيين، والروتين، والقطاع العام، والناس اللى عايشه فى تروس الحياة، والمدن اللى من غير قلب.
“الحب الصناعي” عنوان المجموعة، وهو عنوان حاجات كثير بـ نعملها فى حياتنا، لما بـ نخلى الحب يغمى عيننا عن الحقيقة فـ نشوف كل غلط بـ يعمله اللى بـ نحبه وكأنه شيء عادى، وده مش حب حقيقى ده “الحب الصناعى”.

عجبك ؟ جرب

"الشيطان يعظ" لنجيب محفوظ.

عن الكاتب

منال زكى الأخرس قاصة مصرية. صدر لها المجموعة القصصية "الحب الصناعى"، نشرت قصصها فى العديد من الصحف والمواقع الإلكترونية.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح