The Definitive Guide to Living in the Capital , Cairo , Egypt

انتقام غريزة

انتقام غريزة: العادة.. الإدمان.. الغريزة

  • إسلام ندا
  • من الآن
  • عربي عربي
  • 10 جم
  • مكتبات وسط البلد، وعلى الأرصفة
تم التقييم بواسطة
Rasha Zeidan
قيم
قيم الآن
انتقام غريزة: العادة.. الإدمان.. الغريزة
هو إحنا ليه بـ نتكسف قوى لما تيجى سيرة الغريزة؟ هى مرتبطة عندنا بحاجة كده…
وزى ما إحنا عارفين مافيش حاجة واحدة الناس كلها بـ تجتمع عليها وتقول أنها هى الصح المطلق، علشان كده هـ نشوف أن إسلام ندا هـ يريحنا من اللخبطة دى ويعرفنا الفرق بين 3 أشياء: العادة، والإدمان، والغريزة.
لكن قبل ما نعرف الفرق ما بينهم لازم نتعرف على المجموعة واسمها، اسم المجموعة هو “انتقام غريزة” وهى كمان اسم أحدى قصص المجموعة، وزى فيلم “الخطايا السبع” هـ نلاقى كل قصة من قصص المجموعة بـ تتكلم عن غريزة أو أكثر من اللى بـ تتحكم فى حياة الإنسان، واللى إذا تجاوز عنها، أو حاول أنه يتجاهلها تستطيع الانتقام منه.
ولما نتكلم عن الغريزة يبقى لازم نتكلم عن 3 مداخل مهمة علشان نقدر نفهم التحليل اللى موجود فى المجموعة، وبعد المداخل دى هـ نسيب لكم الطريق تكتشفوه براحتكم لما تقرأوها.
مدخل 1: “العادة”، وهي تعود الإنسان على شئ معين، فى وقت معين، ويحس أنه محتاجه، ولكننا نستطيع -بسهولة- تغيير عاداتنا على حسب رغبتنا، زى عادة قضم أظافر أصبع اليد، تقدر تستبدلها بعادة ثانية أو تبطلها خالص أنت ومزاجك المهم أن الموضوع سهل.
مدخل 2: “الإدمان”، وده المرحلة المتقدمة من العادة، وهو حالة تصيب الجسم ببعض التأثيرات اللى مش تمام ومنها تأثيرات نفسية، أو جسدية، أو عصبية، ودى بـ تظهر عند افتقاد هذا الشئ (اللى هو العادة) بس الإنسان برضه يقدر يتخلص من الإدمان، وده محتاج إرادة وعزيمة قوية زى “إدمان المخدرات”.
مدخل 3: “الغريزة”، نيجى بقى للمهم وهى فطرة الله اللى فطر الناس عليها، وما حدش يقدر يغيرها أو منع عقله أو جسمه من التفكير فيها زى غريزة البقاء وهى حب الحياة وكراهية الموت، والغريزة الجنسية وغريزة تناول الطعام وحب المال والأولاد والسلطة فكلها غرائز لا يمكن للإنسان التخلص منها.
3 مداخل لـ 13 قصة بـ يتكلم فيهم عن الحياة باختلاف حكاياتها واختلاف شخصياتها، اعرفوا المداخل كويس واحفظوها، لأنها مش هـ تنفعكم فى قراءة المجموعة بس، لأ صدقونى أكيد كمان هـ تنفعكم فى حياتكم، وإييييه C’est la Vie.

عجبك ؟ جرب

كتاب بنى بجم لـ "بلال فضل".

عن الكاتب

إسلام ندا، كاتب شاب بـ يحب كتابة القصة وله طريقته فى الكتابة اللى بـ تعتمد على التحليل النفسى، وده راجع لاهتمامه بالقراءة فى الدراسات النفسية، ودى مجموعته القصصية الأولى.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح