The Definitive Guide to Living in the Capital , Cairo , Egypt

تاريخ الشرائع

تاريخ الشرائع: ثقافات مختلفة وعالم واحد

  • د. مختار القاضي
  • تاريخ
  • من الآن
  • عربي عربي
  • 2 جم
  • مكتبات وسط البلد ومع الباعة على الأرصفة
تم التقييم بواسطة
Ahmed Abd El Gawad
قيم
قيم الآن
تاريخ الشرائع: ثقافات مختلفة وعالم واحد
تاريخ الشرائع كتاب يجرى بك فى بلاد وتواريخ مختلفة، رحلة فى ثقافات كثيرة وتوجهات مختلفة، يبين فيها مواضع الاختلاف والاتفاق، ثقافة الكاتب واضحة فى لغته الرشيقة وكمية المعلومات الموجودة فى الكتاب، واستخدامه الجيد للمنهج التاريخى فى عرض تاريخ الشرائع السماوية وما قبلها.
يبدأ الكتاب بفكرة تأثير العامل الجيولوجى الأرضى على العوامل الاجتماعية اللى عاش فيها الإنسان الأول، والربط بينها وبين القانون والاقتصاد والمدنية بشكل عام.
وبـ يقول أن التقسيم اللى تم على الأساس ده كالتالى: عصر الجليد، العصر الحجرى القديم، العصر الحجرى الحديث، عصر استعمال المعادن، ودكتور مختار شايف أن التقسيم ده من الناحية الجيولوجية قد يكون صحيح أو غير صحيح، لكن الأكيد أن التقسيم الاجتماعى القادم من الغرب غير صحيح، لأن الإنسان الأول ما عاشّ على الثلوج فى أول حياته، وما حكمتوش القوانين فى نشأته الأولى، أمال إيه الصحيح.

الصحيح عند دكتور مختار هو أن الله خلق للإنسان الجو والطعام المناسبين له، وأنه من أول نشأته بـ تحكمه القوانين السماوية، ولما بدأ يبتعد عن الدين ويرتكب الجرائم تدهور الحال به، وعلى هذا ممكن ترتيب العصور الاجتماعية كالتالى: العصر الأول “عصر الأسرة الأبوية” وبـ يتكلم فيه عن فكرة التجمع حول الأب الواحد، العصر الثانى “العصر القبلى” وبـ يتكلم فيه عن مظاهر الحياة فى الجماعات الأولى، العصر الثالث “عصر الدولة” عن بداية وجود حاكم قوى لجماعة فى مكان محدد.
بعد كده الكتاب يأخذك فى رحلة طويلة للشرائع القديمة وكانت بـ تتكلم عن إيه، وعن تطورها، واعتمادها على بعضها، وعن الصراع الطويل بين الشريعة الإسلامية والقانون الرومانى، وعن انتشار الشرائع فى الدول وإزاى كان بـ يتم، وبـ يختم كتابه عن فكرة القومية العربية اللى لازم تستفيد من شريعة الإسلام وتعمل قوانين موحدة لها.

عجبك ؟ جرب

"روح الشرائع" لمونتسكيو.

عن الكاتب

د. مختار القاضى أحد المتخصصين فى التاريخ والقانون، له العديد من المؤلفات فى التاريخ والقانون.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح