The Definitive Guide to Living in the Capital , Cairo , Egypt

كتب
جحر السبع

جحر السبع: من الجحر للعالم

  • روايات
  • من الآن
  • عربي عربي
  • 30 EGP
  • مكتبات وسط البلد.. ومكتبات
تم التقييم بواسطة
Ahmed Abd El Gawad
قيم
قيم الآن
جحر السبع: من الجحر للعالم

جنة الإخوان:

قبل ما نتكلم عن رواية “جحر السبع” لازم فى البداية نفهم أن الكتاب الأول لسامح فايز واللى كان بعنوان “جنة الإخوان” وهو كتاب ممكن يكون رواية، وممكن أكثر نقول عليه رواية تسجيلية بـ يحكى ذكرياته اللى بـ تبدأ معاه من أيام ثورة يناير من بداية القعدات اللى كانت بـ تجمعه بالشباب على قهوة البستان أيام التحرير والثورة، والسؤال الأزلى أنت ليه خرجت من الجماعة.. فى الأول كان بـ يهرب من الإجابة؟ عارفين ليه.. على اعتبار أنهم كانوا إخوة فى وقت من الأوقات وأنه كان لازم يحافظ على سر الجماعة اللى كان جواها لكن الموضوع اختلف لما قرر يعرف الناس طريقة العمل.

 

جحر:

الجحر بقى اللى إحنا فيه مش أى جحر، ده جحر السبع وهى القرية اللى نشأ فيها الكاتب تحديدًا فى مركز كرداسة (وطبعًا فاكرين كرداسة واللى حصل فيها) المهم سامح بـ يكمل فيها رحلة خروجه من الجماعة، لكن المرة دى بـ يتكلم وبـ يحكى بشكل روائى بحت.. فايز عنده مقدرة عالية عن الحكى وبـ يقدر يصور المشهد بتقنية عالية جدًا.. ساعات بـ يستخدم تقنية الفلاش باك وساعات بـ يستخدم تقنية المحاكاة، يعنى بـ يحاكى اللى حصل له فى حياته ويوصل بينه وبين بطل الرواية “يوسف”.

 

يوسف:

اختيار اسم البطل له دلالة عالية على اعتبار أن النبى “يوسف” عليه السلام واحد من الأنبياء اللى تم اختبارهم بشكل كبير فـ تعرض للغواية والسجن، لكنه ملك الأرض أو خزائن الأرض بعد كده، يا ترى ده اللى عاوز الكاتب يوصله للقارئ.. جايز.. لكن الأكيد بقى فى الموضوع هو قدرة الروائى على وصف حالة الخارج عن الجماعة وإيه اللى بـ يعانى منه، وتفكير القرية وأهلها فيه وإزاى بـ يعاملوه.

 

القرية:

القرية بـ تعامل اللى خارج من الجماعة على اعتبار أنه منشق عن الدين تقريبًا، وده راجع إلى أن أغلب الناس اللى فى القرية من الجماعة وهى عبارة عن مجموعة عائلات علشان كده لازم الإنسان يركز وهو هناك، لو هـ تخرج من الجماعة مش لازم كل الناس تعرف، لكن فى الأكيد أن كل الناس هـ تعرف، ومعظم اللى خرجوا بـ يتعاملوا كأنهم لسه فى الجماعة أو بـ يتم إبعادهم عن المشهد أصلًا ودى حالة من البعد الاجتماعى اللى بـ يمارسه أهل القرية ضد اللى يخرج عن تقاليدهم.

 

التقاليد:

الفكرة الرئيسية فى وجهة نظرنا راجعة للتقاليد وإزاى أن الناس وتقاليدهم بـ يتحكموا فى الأطفال من صغرهم وبـ يصنعوا “إنسان” مطيع بدرجة كبيرة للشيخ والعادات والتقاليد.. والرواية رحلة إنسان فى المقام الأول مش شخص، رحلة يوسف اللى عاوز يجرب ويخرج من الحياة العجيبة دى لحياة ثانية أوسع وأفضل وأرحب، يخرج من عباية الدين التقليدى للإنسان اللى خلق من عجل وبـ يغلط وبـ يرجع يستغفر.. الحياة أحيانًا تكون أصغر من جحر وأحيانًا ينطلق الإنسان من جحر إلى العالم الأوسع.

عجبك ؟ جرب

"جنة الإخوان" لنفس الكاتب.

عن الكاتب

سامح فايز.. كاتب مصرى عمل بالصحافة لفترة طويلة، وباحث فى الإسلام السياسى، صدر له "الخروج من جنة الإخوان"، و"جحر السبع".

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح