The Definitive Guide to Living in the Capital , Cairo , Egypt

دين مصر

دين مصر: تجديد الخطاب الديني بشكل جديد

  • واقعية
  • من الآن
  • عربي عربي
  • 30 EGP
  • مكتبات وسط البلد، ومكتبات
تم التقييم بواسطة
Rasha Zeidan
قيم
قيم الآن
دين مصر: تجديد الخطاب الديني بشكل جديد

هل فيه دين معين لكل بلد؟.. بلاش، هل فيه دين معين لكل شخص لكل مكان لكل زمان؟.. لكل معتقد لكل إنسان؟.. يا ترى ليه بقى فيه ملحدين كثير؟ هو الدين عبارة عن إيه أصلًا؟ هل فيه تحديد معين للدين وإيه الفرق بين الدين ومظاهر الدين الشعائر يعنى زى الصلاة والصوم.. أسئلة كثيرة قوى لكن قررنا نقرأ الأول كتاب "دين مصر" وبعدين نشوف بقى إيه الموضوع ده؟

عن أمراء الدم والفيديو زي ما بـ يسميهم د. ياسر ثابت بـ يتكلم عنهم فى كتابه "دين مصر".. وعنوانه باين أنه بـ يتكلم عن أشكال التدين المختلفة فى مصر.. وبـ يقول أن الدين محتاج لحظة من التأمل لأنه بـ يعكس الحياة في أي بلد.. وهو عاوز يرسم صورة شاملة للي بـ يحصل في المجتمع المصري من الناحية الدينية.

علشان يعرف يتكلم عن الدين فى مصر كان لازم الأول يتكلم عن هوية مصر وأنها واحدة من أهم دول العالم في الحضارة لأنها شافت أقدم حضارة في العالم وعدى عليها وعاش فيها سبعة أنبياء.. وكمان كان فيها طوائف وديانات وفرق كثير جدًا لكن فضلت مصر بهويتها وتسامحها.

كمان بـ يتكلم ياسر ثابت عن المشاكل الدينية في مصر اللي فيها قراءات خاطئة للنصوص الدينية وأشكال متزمتة للآراء الفقهية والتاريخ مليان حكايات استخدام الدين ورموزه في الألعاب السياسية.

كمان عندنا مشكلة ثقافة التسلط والقمع في البيت والمسجد والكنيسة والحزب ومؤسسات المجتمع المدني ومؤسسات الحكم، وثقافة الاتكالية والخوف والطاعة العمياء، وتبرير كل ده بالأمثال الشعبية اللي بـ تتلاعب بالعقول والغيب والأخلاق والأوهام.

وخد عندك المشاكل الطائفية والحساسيات بين الناس والولاء للقبيلة والأسرة والنوع والعائلة الكبيرة اللي ما قدرش الإسلام ولا قيم الديمقراطية يغيروها.

الكتاب مفيد وممتع وبـ يحلل بشكل هادئ وبلغة قوية ومصطلحات كثير فكرة الدين فى مصر، وأنت بـ تقرأ هـ تفهم أنه عاوز يوصل لك فكرة واحدة وبـ يدور حولها أغلب الوقت أن مصر تعرضت لعملية غسيل مخ علشان تبقى دولة مؤمنة إيمان ظاهرى وأنها جزء أساسي من الشرق الأوسط ومالهاش حاجة في حضارتها.

الكتاب بـ يناقش مشاكل كثير ممكن نبقى معاه في أفكار ونختلف معاه في أفكار ثانية في أن الكتاب ممكن يُصنف أنه دعوة للبعد عن الدين والاهتمام بالحضارة والهوية المصرية وبس.. لكن الراجل صراحة عمل اللي عليه وتكلم وفنط المشاكل وفتاوى التحريم والتكفير وخلط الدين بالجهل والفتنة ومصادرها.. لكن يا ترى هـ يعرف يحل المشكلة؟

عجبك ؟ جرب

"ذاكرة القرن العشرين" لنفس الكاتب.

عن الكاتب

د. ياسر ثابت صحفي مصري حصل على الدكتوراة في الصحافة عام 2000، وعمل رئيسًا لتحرير غرفة الأخبار في قناة الحرة، ورئيسًا للتحرير في قناة العربية، ومنتجًا أول للأخبار في قناة الجزيرة وأخيرًا عمل مديرًا للأخبار في سكاى نيوز عام 2011.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح