The Definitive Guide to Living in the Capital , Cairo , Egypt

طلعت روحى

طلعت روحى: تشبه كثير مننا

  • د. سهيلة عمر
  • من الآن
  • عربي عربي
  • 10 جم
  • مكتبات وسط البلد
written by
Rasha Zeidan
قيم
قيم الآن
طلعت روحى: تشبه كثير مننا
عزيزتى المعذبة من معشر النساء، لا تلومى غير نفسك وغير زميلاتك المعذبات من معشر النساء.. إحنا اللى عملنا من كل واحد من معشر الرجال “سى السيد” فى وقت الصفا. ودى كانت مقدمة آخر خاطرة  لـ د. سهيلة عمر تحت عنوان “طلعت روحى – يوميات زوجية ساخرة”.  

فى الأول خالص لما بس تقرأ اسم المجموعة القصصية تفتكر أن زوجها هو اللى طلع روحها لكن فى الحقيقة الموضوع مختلف، الزوجة طلعت روح زوجها، وده هـ يبان لما تقرأ أول المجموعة “المباراة الأزلية بين هو وهى” و دى بـ تحكى عن زوجها الغلبان اللى ربنا وقعه فى زوجة بتاعة “مامى”، ومامى ما علمتهاش أى حاجة عن الطبخ، والغسيل.. والحاجات دي يعني.

ولما جاءت تغسل هدوم زوجها –ويا ريتها ما غسلت– وزوجها بكل فخر واقف فى البلكونة اترسمت على وشه ضحكة ويا فرحة ما تمت لأن المسكين اكتشف أن شقاه وتعب قلبه طلع واتنشر على الحبل، وعلشان فلوسه حلال البواب ربنا يكرمه رجعهم الحمد لله.
المجموعة عبارة عن سلسلة متصلة بـ تتكون من 28 قصة صدقنا مش كثير لأنك مش هـ تلحق تحس بالملل، فكلها يوميات موجودة فى كل بيوتنا المصرية.
مجموعة د. سهيلة القصصية قريبة جدًا من مسلسل “عائلة شلش” أكيد كلنا فاكرينه طبعًا ووجه الشبه اللى حاضر قوى تلاقيه فى اليوميات الزوجية الساخرة.
اقرأ اليوميات وعيش مع قصص مختلفة بحكايات كثير زى “العيش والعيشة واللى عايشينها، وهنا قرر زوجى أنه مش عامل ريجيم، إيه رأيك تنتحرى أنت الأول، كارت أحمر، شركة تأييف سى السيد”.
من الآخر المجموعة حلوة خفيفة استطاعت د. سهيلة أنها هـ ترسم البسمة على وجوهنا وبجد مجرد ما تبدأ تقرأها هـ تحب قوى تكملها وده اللى هـ تعرفه لما تقرأها. 

عجبك ؟ جرب

رواية "روحى" لنفس المؤلف.

عن الكاتب

د. سهيلة عمر، وروائية مصرية، صدر لها رواية "روحى" والمجموعة القصصية "طلعت روحى".

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح