The Definitive Guide to Living in the Capital , Cairo , Egypt

  • محمد حسن
  • مساعدات ذاتية
  • من الآن
  • عربي عربي
  • 25 EGP
  • مكتبات وسط البلد ومكتبات كتب خانة وتويا وفكرة
تم التقييم بواسطة
Ahmed Abd El Gawad
قيم
قيم الآن
كتاب مبادئ إدارة الذات: طريق النجاح بدايته المعرفة

هي الذات محتاجة إدارة، دي أول حاجة جات في دماغنا لما قرينا عنوان الكتاب اللي بين إيدينا، الكتاب عنوانه “مبادئ إدارة الذات”، فوقفنا وسألنا السؤال، لو الواحد أدار نفسه صح، يا ترى ده هيبقى شكله عامل إزاي؟

مدرب التنمية الذاتية والكاتب محمد حسن، قرر يقول لنا عن التنمية البشرية لكن بشكل جديد، بيتكلم الكتاب عن الإنسان ونجاحه في حياته، وإن النجاح عبارة عن قرار، ولازم الإنسان ياخده، لإن نجاحه من عدمه بيرجع لطريقة تفكيره وإدراكه للأمور.

مقدمة الكتاب ملفتة، لإنها معمولة بخط إيد واحد من المدربين المهمين في مجال التنمية البشرية، هو المدرب أحمد قدوس، واللي بيقول عن الكتاب:

“مؤلف الكتاب خلى كتابه بمثابة شعاع الأمل، وطاقة النور التي تجذب صاحبها إلى طريق القمة والنجاح”.

بيبدأ محمد حسن أول فصل في الكتاب بالكلام عن الثقة، واختار الثقة بالله سبحانه وتعالى كبداية، وقدرته على تغيير حياتك، وبيقول إن ده أول طريق النجاح، لإنك لما تثق في الله، وتعطيه حقه، هتلاحظ مدى وجوده معاك، وقد إيه هيبقى فيه خير ونجاح في حياتك.

بعدها بيتكلم عن الثقة بالنفس والرغبة والإصرار على التغيير للأحسن، وإنها مفتاح الحياة الحقيقي والطريق للنجاح في كل المجالات، علشان كل شخص جواه طاقة إبداعية كبيرة وقدرات ممكن مايكونش يعرف عنها حاجة، وأول ما يتعلم الثقة في نفسه، هيبتدي يكتشف قدراته غير المحدودة دي، وهيبقى في المقدمة، ويتأقلم على مواجهة صعوبات الحياة.

الفصل التالت بيتكلم عن التخصص، وإنه بيمنح الإنسان الثقة، لإننا أصبحنا في عصر معتمد على العلم والتخصص في أدق المجالات، ومع التطور السريع اللي بنعيشه أصبح التخصص حاجة مهمة وضرورية، ولما الإنسان بيتخصص في حاجة معينة ويلم بكل تفاصيلها، ده بيرفع من قيمته في سوق العمل، وبيوفر له فرص أحسن للنجاح في مجالات مختلفة.

بعد كده كان لازم ييجي الدور على إدارة وتنظيم الوقت، وبيسرد مجموعة من النظريات في تنظيم الوقت، منها نظرية الأولويات اللي عملها “ستيفن كوفي”، واللي بتقسم وقتنا لأربع مربعات، متقسمة لحاجات مهمة، وحاجات غير مهمة، وكل واحدة منهم فيها حاجات عاجلة وحاجات تانية غير عاجلة، يعني لو وضعت حاجة في مربع مهم وعاجل، فده معناه إنها أمر مهم جدًا وعاجل من الناحية الزمنية، زي إن يكون عندك امتحان بكرة مثلًا، وبالطريقة دي تقدر تحدد أمورك العاجلة والمهمة في مربعات، وتتعامل على الأساس ده.

الكتاب مليان بالنظريات، وطرق تطبيقها، وكمان فيه كتير من التدريبات العملية والنظريةن وإزاي تساعدك على تطوير نفسك، وبيتكلم عن فكرة التنسيق والتعاون مع زملائك في الشغل، وإزاي تبدع وتبتكر وتطور نفسك باستمرار.

عجبك ؟ جرب

البرمجة اللغوية العصبية للدكتور إبراهيم الفقي

عن الكاتب

محمد حسن، مدير إدارة موارد بشرية بعدة شركات بدولة الإمارات العربية سابقًا، عضو المجلس العربي للبرمجة اللغوية العصبية، مدرب ومحاضر معتمد في مجال تنمية المهارات الذاتية والإدارية، ومدرب في مهارات التواصل والاتصال الفعال.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح