The Definitive Guide to Living in the Capital , Cairo , Egypt

لقيطة أستانبول

لقيطة أستانبول: محاولة لكسر قواعد المجتمع والحياة

  • روايات
  • من الآن
  • عربي عربي
  • 120 EGP
  • مكتبات وسط البلد، مكتبة الشروق
تم التقييم بواسطة
Rasha Zeidan
قيم
قيم الآن
لقيطة أستانبول: محاولة لكسر قواعد المجتمع والحياة

عن الفتاة الغريبة العجيبة صاحبة التصرفات الغريبة العجيبة برضه.. رائعة من روائع “إليف شافاق”، الموضوع يا جماعة مش مجرد كاتبة بـ تعرف تكتب ولا علشان هى امرأة فإحساسها عالى.. لأ الموضوع مختلف تمامًا، الموضوع إيه بقى؟ نقول لكم؟

لقيطة أستانبول دى فتاة صغيرة فى السن يعنى زى ما تقولوا كده 19 سنة، لكن طريقة تفكيرها واللى شافته فى حياتها يخلى عندها 90 سنة.

الرواية بـ تبدأ بمشهد داخل مدينة الخير والصوفية والأساطير والجنون برضه، داخل مدينة أستانبول والبطلة الرئيسية ماشية فى المدينة والمطر نازل، وبـ تلعن كل حاجة حولها، “زليخة” اسم على مسمى مقصود طبعًا لأنه مأخوذ من اسم “امرأة العزيز” اللى بـ تعتبر رمز الغواية والعفة مع بعض فى القَصص القرآنى لأنها حاولت تغوى النبى “يوسف” عليه الصلاة والسلام وبعدين تابت.. عندنا فى أستانبول زليخة مختلفة بقى، زليخة من نوع خاص، بـ تشتم لك حاجة حولها وبـ تسب وتلعن، عاوزة تقول للمجتمع أنا ضد كل حاجة أنت بـ تعملها لأنى مش راضية عنك، عاوزة تقول للمرأة حريتها وحياتها الخاصة وجمالها وفتنتها وكل حاجة فى حياتها لازم تكون هى المسؤولة عنها مش المجتمع، ومن هنا بـ تحاول تكسر قواعد المجتمع والحياة ونوعين مختلفين من القواعد هما: “القواعد الذهبية لحصافة المرأة الـستانبولية”، وقواعد “الجدة ما – الهيفاء غير المدونة”.

تعالوا نتعرف على بعض منها يمكن نقدر نفهم الرواية بشكل جديد.. من قواعد الجدة ما الهيفاء: ممكن ما يعجبكش المطر، ومش لازم يعجبك، لكن مهما كانت الظروف اوعى تلعنى المطر علشان هو نازل من السماء، وإحنا لازم نحترم كل حاجة نازلة من السماء، لأن الله العلى القدير هو اللى بـ يرسل لنا كل حاجة من السماء.

ثاني قاعدة: لما تنكسر منك حاجة خاصة لو كانت “أباريق الشاى” اللى بـ تحبهم جدًا زليخة لسبب غير معروف حتى لها هى شخصيًا.. اوعى تلعن أنك كسرت حاجة أو تزعل لأن ببساطة كل ما حاجة بـ تتكسر “بتكسر عين شرير” وبـ تكسر صوت النحس وبـ تدعو القدير أنه يحمى الجميع… ومن القواعد كمان بعض الوصفات زى ماء الورد والزبيب الصفر والعاشورا وغيرهم.

أما النوع الثانى من القواعد فهو “القواعد الذهبية لحصافة المرأة الأستانبولية” وتعالوا نعرفه مع بعض:

لو تحرش بكِ حد فى الشارع لا تشتمه ولا تستجيبى له إطلاقًا لأن ده هـ يخليه يظن أنك موافقة على اللى بـ يعمله، ولو تحرش بكِ حد فى الشارع لا تفقدى أعصابك لأن ده هـ يخليكى تردى بعنف ويزداد الموضوع سوء، وكمان المرأة الرزينة هى اللى تمشى فى حالها وتلبس ملابس وقورة.. غير عارية.. ولا تلبس الكعب العالى.

الرواية حالة ما بين بلاد وناس كثير وقواعد للطبخ ووصفات عن السكر والزبيب والقمح واللوز والمشمش وحب الرمان وماء الورد.. اقرأوا واستمتعوا.

عجبك ؟ جرب

"قواعد العشق الأربعون" لنفس الكاتبة.

عن الكاتب

إليف شافاق كاتبة تركية وصلت إلى العالمية من خلال ترجمة روايتها "قواعد العشق الأربعون" وصدر لها عدة روايات أشهرهم الرواية سالفة الذكر و"لقيطة أستانبول"، ترجمت كتاباتها إلى أكثر من 30 لغة على مستوى العالم.. تحمل حسًا صوفيًا فى كتابتها ومتأثرة بالتراث الصوفى التركى.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح