The Definitive Guide to Living in the Capital , Cairo , Egypt

كتب
مزاج القاهرة

مزاج القاهرة: حكايات وتأملات واحد مصري عن نفسه!

  • أحمد مهنى
  • واقعية
  • من الآن
  • عربي عربي
  • 20 جم
  • معظم المكتبات
تم التقييم بواسطة
Shaimaa El Gammal
قيم
قيم الآن
مزاج القاهرة: حكايات وتأملات واحد مصري عن نفسه!

أحمد مهنى في إهداء الكتاب قال الخلاصة
اللي على أساسها كتب كتابه: “إلى الإنسان الذي بداخل كل منا ذلك الذي يعبر
عنا ونخشى أن نفصح عنه. وإلى أدب الاعترافات الذي لا يكتبه العرب”. فعلاً
إحنا ما عندناش كتب كثير في أدب الاعترافات وسرد الحكايات الذاتية وبـ نعتبر في
مصر أن النوع ده من الكتابة حكر على الفنانين والمشاهير على عكس الغرب اللي ممكن
نلاقي فيه موظف عادي أو حتى عاملة عملت كتاب بـ تتكلم  فيه عن نفسها وعن وجهة نظرها في الحياة.

الكتاب ممكن تسميه أي حاجة: خواطر، حكايات،
مواقف، تأملات، تدوين، فضفضة. مش مهم هـ تسميه إيه المهم تستمتع بقراءته وتكون بـ تحب
النوع ده من الكتابات.

أحمد مهنى بـ يقول في مقدمة كتابه أنه
كتب الكتاب ده علشان يشارك العالم المحيط به  بتفاصيل إنسانية ذاتية خاصة جدًا ممكن تكون بـ تحصل
لناس كثير بس هما عمرهم ما فكروا يقولوها أو يحكوها وأنه حب ينشر المواضيع دي بشكل
مبعثر علشان تبين مزاج أحد سكان القاهرة وعاشقيها.

الكتاب مُقسم لأربعة أقسام رئيسية، كل
قسم منها بـ يتفرع تحته مجموعة من الموضوعات، والأقسام دي هي: عن الناس الطبيعيين، الحقيقة،
الحب لا يكلف شيء، وأخيرًا مقاومة المقاومة.

في الجزء الأول أحمد بـ يتكلم عن
حاجات موجودة في حياة كل بني آدم فينا زي الأكل المفضل والعادات اللي بـ يحبها زي
شرب القهوة وعن طفولته كمان. كلها مواقف صغيرة حميمة لو كل واحد فينا دور في طفولته
هـ يلاقي ذكريات مشابهة لذكريات أحمد يكتبها في كتابه الخاص.

الجزء الثاني بعنوان “الحقيقية”
بـ يتكلم عن الدين وعن أفكار كثير ممكن نفكر فيها عن الإسلام  وفيه نص جميل بعنوان “اعتراف” بـ يشكر
فيه أحمد ربنا على الحاجات الحلوة اللي أنعم عليه بها وذكرهم بالتفصيل والجميل في النص
ده أنه بـ يخلي كل واحد فينا لا إراديًا وهو بـ يقرأ يسترجع نعم ربنا أنعم عليه بها
هو شخصيًا.

القسم الثالث مخصص للحب والكاتب بـ يتكلم
فيه عن أفكاره وقناعاته الشخصية اللي منها موضوع “الجواز مش للجنس فقط”
وده نص بـ يشرح فيه وجهة نظره في الحب والجواز والبنت اللي عاوز يرتبط بها.
والجميل في القسم ده موضوعين بعنوان “أثر في نفسي” و”أثر في نفسي 2″
ودول عبارة عنQuotes  أو عبارات قصيرة مأثورة كتبها
أحمد في مواقف مختلفة.

أما القسم الأخير بعنوان مقاومة
المقاومة فده مخصص للثورة والقسم ده أحمد شاف أنه مهم يضيفه لكتابه لأنه -زي ما
قال في مقدمة الكتاب- مزاجه بالتأكيد تغير بعد الثورة وأن الأفكار دي أصبحت جزء من
مزاجه، النص المميز في هذا القسم هو نص “ماذا خسرت الثورة؟” واللي بـ يرصد
أحمد فيه بعض عيوب الثورة مثل تشتت المصريين وظاهرة فرض الرأي، وهـ نلاقي في القسم
ده كمان نص بعنوان “أثر في نفسي 3” وده عبارة عن عبارات مأثورة كتبها
أحمد عن الثورة.

الكتاب في مجمله مسلي وحميم إلى أقصى
درجة ونفذ منه طبعتين في وقت قياسي وكله متمازج جدًا باستثناء بعض القصائد النثرية
اللي ممكن تكون فصلتنا شوية عن الجو العام للكتاب لكن لازم نحترم وجودها لأنها جزء
من “مزاج” أحمد مهنى.

عجبك ؟ جرب

"أرز بلبن لشخصين" لرحاب بسام.

عن الكاتب

كاتب مصري شاب بـ يشتغل في مجال الأفلام الوثائقية ومن مؤسسي دار "دون" للنشر والتوزيع  صدرت له مجموعة قصصية بعنوان "اغتراب".

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح