The Definitive Guide to Living in the Capital , Cairo , Egypt

مصارع النبلاء

مصارع النبلاء: غيروا مجرى التاريخ

  • تاريخ
  • من الآن
  • عربي عربي
  • 40 EGP
  • مكتبات الشروق والرسم بالكلمات كايرو مول
تم التقييم بواسطة
Ahmed Abd El Gawad
قيم
قيم الآن
مصارع النبلاء: غيروا مجرى التاريخ

فاكرين الفتنة اللى حصلت بين المسلمين وبعضهم أيام معاوية بن أبى سفيان؟ ومقتل الخلفاء واحد ورا واحد؟ التفاصيل كثير من أول مقتل الخليفة العادل “عمر بن الخطاب” حتى مقتل الصحابى الجليل “الزبير بن العوام”.. وتعالوا نبص سريعًا.

 

الفاروق:

حياته ونشأته وإسلامه والفتوحات اللى تمت فى عهده كل ده بـ يتكلم عنه الباحث محمد سمير فى أول فصل من الكتاب.. وكمان بـ يقدم تفسير جديد للمؤامرة اللى حصلت عليه وإزاى كانت رباعية اشترك فيها “يهودى ومجوسى ونصرانى وفارسى” وكان هدفها الإطاحة بالإسلام وخلافته.

 

ذو النورين:

إزاى عاش الخليفة عثمان بن عفان.. وهجرته للحبشة ومواقفه العظيمة مع الإسلام بشكل عام لحد ما وصل للحكم.. وبعدين بـ يبدأ الكاتب يرصد المؤامرات اللى اتعملت ضده.. والجماعات السرية اللى دبرت قتله لحد ما ثار عليه الناس وإزاى كان عثمان بن عفان بـ يحاول يلم شمل الأمة وانتهى الأمر بحصاره وقتله ويكون ده مصرع النبيل الثانى.

 

كرم الله وجهه:

على بن أبى طالب اللى أسلم من صغره وجاهد مع الرسول فى غزواته… وكان من أصحاب المشورة فى عهد عمر ولحد ما تولى الخلافة.. بعد استشهاد عثمان وبداية الفتنة الحقيقية اللى أطاحت بالمسلمين والمعارك الكثير اللى حصلت بين المسلمين والتحكيم وخروج الفرق عليه –كرم الله وجهه– واستشهاده.

 

الحسين:

بـ يشتغل بعد كده الباحث محمد سمير على حياة الحسين حفيد النبى صلى الله عليه وآله وسلم وبـ يتكلم على خلافته بشكل سريع وبرضه استشهاده علشان تبان خيوط الفتنة والمؤامرة.

 

الزبير بن العوام:

للزبير مواقف عظيمة فى الإسلام وفى الكتاب تقصى لحياته من نشأته ولإسلامه لحد ما تمت خلافته وبايعه عدد كبير من المسلمين ووقفه أمام بنى أمية.. واستشهاده فى النهاية.

 

العرض:

كان لازم العرض اللى فات يتم بشكل موجز علشان نعرف قد إيه الكاتب تعب فى موضوعه ومحاولته فى تحرى الدقة علشان يبعد عن الروايات التاريخية اللى فيها ضعف أو الموضوعة مثلًا وقد إيه يبقى هم على الكاتب أنه يكتب فى منطقة كلها نار وخلافات وقتل لعظماء ونبلاء زى كبار الصحابة.

ومن المهم برضه أننا نعرف فكرة الفتن وإيه اللى حصل بالضبط من خلال لغة روائية فى المقام الأول.. لازم نقول أن قدرة محمد سمير على الحكى خلته يكتب بشكل علمى وفى نفس الوقت أدبى بلغة روائية بـ تشرح اللى حصل وببساطة علشان يقدر يوصل المعلومة للقارئ وده من أهم مميزات الكتاب جنب التتابع التاريخى المهم علشان تبقى الصورة واضحة.

عجبك ؟ جرب

"البداية والنهاية" لابن كثير.

عن الكاتب

محمد سمير، مؤلف كتاب "مصارع النبلاء" والمشرف العام على صفحة "صفحات ساطعة من التاريخ الإسلامي"، كاتب وباحث ومحاضر في التاريخ.. بلغتين عربية وإنجليزية ومحاضر في مركز نيو إنجلاند بالولايات المتحدة.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح