The Definitive Guide to Living in the Capital , Cairo , Egypt

كتب
نافذة صغيرة على البحر

نافذة صغيرة على البحر: قصص إنسانية من بريدي الخاص

  • يسري الفخرانى
  • من الآن
  • عربي عربي
  • 30 جم
  • مكتبات أ
تم التقييم بواسطة
Bassem Abou Arab
قيم
قيم الآن
نافذة صغيرة على البحر: قصص إنسانية من بريدي الخاص

مجموعة قصصية مكونة من 44 حكاية حقيقية بعنوان “نافذة صغيرة على البحر”
للكاتب يسري الفخراني بـ يضمهم كتاب له غلاف جذاب وكان له حفل توقيع بمكتبات
“أ” حضره مجموعة فنانين زي حكيم ويسرا.

الكتاب بـ يتكون من حكايات حقيقية زي ما قلنا كلهم على لسان سيدات أو إناث
بشكل عام، هـ نلاقي فيهم تنوع كبير بين الشخصيات وظروفهم ومعيشتهم بين الثراء
وبساطة الحال، الجمال والقبح، الشباب وأواخر العمر.

رغم التباين الواضح بين أنماط القصص الموجودة فى الكتاب إلا أن العامل
المشترك هو التشويق وجودة السرد فى أغلب القصص، متوافر فيهم عوامل الجذب الكافية
اللي تخلي القارئ عاوز يكمل خصوصًا لقلة التفاصيل كأي قصة قصيرة، وده عامل هائل على
المستوى الفني والتجاري كمان، أي نعم ده ممكن يكون على حساب مستوى عمق ضعيف فى الكتابة،
إلا أنه فى النهاية وفر عامل الاستمتاع للقارئ بنسبة مش كبيرة.

إيقاع القصص سريع ومختصر وده هـ يصعب عملية اقتطاف الأحداث كالمعتاد لأنها
مختصرة بالفعل! بس ممكن نقول أن أبطال القصص بـ يحكوا أحداث وتجارب من طراز قصص حب
وتجارب زوجية وحالات فريدة من نوعها لدرجة أن هـ نقابل كذا قصة كل واحدة فيهم لها
فرصة أنها تكون رواية طويلة لو اتعمل لها حبكة تتوظف فيها!

زي ما مكتوب فى جزء على ظهر الكتاب “و سوف تحب المرأة ما جاء فى هذا
الكتاب عنها وسوف تكرهه أيضًا” وده لأن فيه مفارقات وتباينات بـ تحكي عن اللى
بـ يدور فى قلب وعقل المرأة، ده على فرض أننا عرفنا بدقة اللى بـ يدور فى قلب وعقل
المرأة!

بشكل عام الكتاب خفيف ومسلي وينصح به لقارئ محتاج يكسر موود قراءة جادة أو
حابب يخوض فى تجارب إنسانية بشكل أدبي ومبسط فى نفس الوقت، بعيد عن الأساليب
المعقدة للقصص القصيرة اللي فى بعض الأحيان بـ تكون مليانة رموز وإسقاطات ممكن
تخلى القارئ يتوه شوية.

عجبك ؟ جرب

عجبك جرب: "بيت من لحم" ليوسف إدريس.

عن الكاتب

يسري الفخراني كاتب صحفي فى جريدة اليوم السابع.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح