The Definitive Guide to Living in the Capital , Cairo , Egypt

هوستيل

هوستيل: يوميات بنت مصرية في أوروبا

  • سياحة
  • من الآن
  • عربي عربي
  • 30 EGP
  • مكتبات وسط البلد
تم التقييم بواسطة
Mostafa Fathi Abdelfadil
قيم
قيم الآن
هوستيل: يوميات بنت مصرية في أوروبا

في كتابها هوستيل قدرت شيرين عادل تخليك تشوف السفر من وجهة نظر مختلفة تمامًا، مش مجرد طائرات وفنادق وأماكن سياحية، السفر في كتاب هوستيل اللي صدر عن دار الرواق للنشر بيحكي أكثر عن السفر كتجربة إنسانية ملهمة ممكن تغير فيك حاجات كتير، الكتاب بيتميز أكثر بأنه دليل سفر لأي شخص كان فاكر أنه علشان يسافر لازم يكون مليونير! الكتاب بينقل تجربة شيرين في السفر غير المكلف، الاقتصادي.

نبدأ بالغلاف، اللي صممه كريم آدم، كان غلاف مباشر جدًا، اللي هو فكرة كتاب عن السفر من تأليف بنت يبقى لازم عليه صورة بنت شايلة شنطة على ظهرها، قمة المباشرة يعني، لكن رغم كل شيء الغلاف تم تنفيذه بطريقة فنية مميزة، يعني توزيعة اسم الكتاب مع الشعار واسم المؤلفة تم بطريقة فيها توازن وراحة للعين، رغم أننا كنا نتمنى نشوف إبداع أكثر في الغلاف.

 

 

أسلوب شيرين عادل في الكتاية رائع، بسيط، مافيهوش لف أو دوران، وبالتالي الكتاب مناسب لكل الناس حتى اللي مابيحبوش القراءة، لأن الأسلوب ممتع وشيق! قادر أنه يجذب أي شخص ويقول له: تعالى هتقرأني يعني هتقرأني!

أكثر حاجة بتميز الكتاب هي كمية المعلومات المهمة اللي فيه، شيرين بتخليك تعرف أصل كل حاجة هي شافتها، بترجعك لتاريخ التفاصيل اللي هي بتكتب عنها. وده بالتأكيد خد منها مجهود كبير في البحث وصياغة المعلومات علشان تحولها من مجرد صغة جامدة لأسلوب أدبي بسيط يوصل للناس بدون ملل.

أفضل وصف للكتاب هو اللي كتبته شيرين بنفسها في الكتاب: "في “الهوستيل” الكل غريب وقريب في ذات الوقت. أنتَ تشارك غرفة نومك، وربما فراشك، مع شخص ليس فقط غريبًا عنك، بل غريب عن بلدك ولغتك وعاداتك وعقيدتك. الشيء الوحيد المشترك بينكما أنكما بشر. أبسط علاقة يمكن أن تجمعك بآخر في حياتك كلها، علاقة تجردت من كل شيء، فلم تبقَ إلا فطرة الإنسان".

الكتاب ثالث تجربة لشيرين في أدب الرحلات، اللي أصبحت مميزة فيه وقادرة على نقل خبراتها للجميع، هنشوف من خلال الكتاب رحلة شيرين في 3 دول هم سويسرا والسويد وإيطاليا. بسرعة شديدة بتسافر من بلد للثانية، وبتحكي لك تفاصيل سفرها لدرجة أنها بتقول لك تكاليف كل حاجة وإزاي توفر وماحدش يضحك عليك.

التفاصيل الإنسانية هي البطل في كتاب هوستيل، وبعد الإنتهاء من قراءة الكتاب هتحس أن هدفك الوحيد الفترة الجاية أنك تحوش لك قرشين علشان تسافر وتشوف الدنيا، وتتفرج على العالم.

عجبك ؟ جرب

الأولة باريس لنفس الكاتبة.

عن الكاتب

شيرين عادل كاتبة مصرية مهمته بأدب الرحلات، صدر لها حتى الآن 3 كتب بتحكي فيهم عن تجارب سفرها.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح