The Definitive Guide to Living in the Capital , Cairo , Egypt

مزيكا

بحفلات في القاهرة وقنا وراس سدر.. عودة فنية قوية لفريق مسار إجباري

الميريلاند حفلات مسار إجباري حفلة غناء مساء إجباري في راس سدر مسار إجباري مسار إجباري في دندرة مسار إجباري في قنا مهرجان دندرة
بحفلات في القاهرة وقنا وراس سدر.. عودة فنية قوية لفريق مسار إجباري
    بواسطة
    Mohamed Talaat

    واضح إن فريق مسار إجباري، قرر إن سنة 2020 تكون مرحلة نشاط وقوة للفريق المميز اللي حقق نجاح كبير في السنوات الأخيرة وقدر ينافس أهم الفرق الموسيقية المصرية، تعالوا نعرف مع بعض مواعيد الحفلات الجاية لـ مسار إجباري، وكمان نعرف معلومات أكتر عن الفريق.

    يوم الجمعة 21 فبراير، فريق مسار إجباري، هيغني في حفلة خاصة داخل حديقة الميريلاند في مصر الجديدة، واللي بتستعيد دورها الثقافي والفني الهادف بعد سنوات من الإهمال.

    وخلال فعاليات مهرجان دندرة للموسيقى والغناء، واللي هتستضيفه محافظة قنا، هيشارك مسار إجباري في حفلة يوم الثلاثاء 3 مارس الجاي.

    الفريق هيقدم كمان حفلة مميزة في مهرجان ع الجنوب، في مدينة رأس سدر، يوم الجمعة 17 أبريل الجاي.

    مسار إجباري هو فريق فني مصري، له مجموعة من الأغاني الشهيرة، منها “للحزن أصول، طريق تاني، مساومات، بقيت حاوي، برنس، مافيش حاجة، فاكرة، نهاية الحكاوي، أنا هويت، كانت هتفرق، ياريتك معايا، زيك أنا، صباحك”.

    والفريق عمره حوالي 15 سنة، واتأسس في مدينة الإسكندرية، واشتهر بتقديمه فن مختلف بيتناول القضايا الإجتماعية بمزج موسيقى البلوز والروك والجاز مع الموسيقى الشرقية، ونجحوا فب أنهم يكون لهم جمهور كبير، ولهم مشاركات مميزة في مهرجانات دولية كتير، منها مهرجانات في إيطاليا، الكويت، مالطا، مقدونيا، الإمارات، وتنزانيا.

    تقدروا تتعرفوا أكتر على الفريق من خلال صفحتهم الرسمية من هنا.

    مقترح