The Definitive Guide to Living in the Capital , Cairo , Egypt

مفيهوش غطلة

محمد الكيلانى: مفيهوش غلطة

  • محمد الكيلاني
  • منوعات
  • من الآن
  • -
تم التقييم بواسطة
Engy Azzam
قيم
قيم الآن
محمد الكيلانى: مفيهوش غلطة

محمد الكيلانى هو مطرب صاعد، اكيد شوفتوه   قبل كده لما شارك فى الكليب الجماعى لأغنية «أكيد
فى مصر» مع كل من مى سليم ومحمود العسيلى، وكان بمثابة أولى خطواته الفنية، وبعد
كده ظهر فى فيلم «بحر النجوم» من إنتاج شركة بيبسى مع نخبة من مطربين العالم
العربى هم وائل كفورى، ورويدا المحروقى، وهيفاء وهبى، وأحمد الشريف، وكارول
سماحة. فى عام 2009، قدم الكيلانى أغنيته المصورة “تغيب تانى” كلمات
أيمن بهجت قمر وألحان محمد يحيى، والكليب كان إخراج أحمد المهدى، ومنتج الألبوم هو
محمد الكيلانى نفسه، وطرح فى الأسواق في منتصف يناير 2010، بعد إذاعة قناة ميلودى
للفيديو كليب التانى ليه وهو “قلبى على إيدى”، إحدى أغنيات الألبوم.

«مفيهوش غطلة» هو إسم الألبوم الأول لـ كيلانى، بـ يضم
11 أغنية، ولحن معظمها الملحن محمد يحيى. الألبوم عبارة عن تشكيلة من
الأغانى الرومانسية الهادية والأغانى سريعة الإيقاع، كمان فيه تنوع من حيث موضوعات
الأغانى نفسها، فتناول المشاعر المختلفة بين المحبين، الحبيب المُصر على وجود
حبيبته دايماً فى تفاصيل حياته، وبـ يعاتبها ويتوعدها إذا فكرت تسيبه، والحبيب
اللى مايقدرش على خصام حبيبته، والحبيب المستعد أنه يخطف حبيبته اللى مافيهاش غلطة،
واللى عايز يوضح شكل العلاقة بينه وبين حبيبته…الخ.

أكتر الأغانى اللى هـ تعلق معاك هما “تغيب تانى”، وده لأن كلمات الأغنية جديدة، و توزيعها متنوع، وإيقاعها مناسب لطبقة صوت الكيلانى، وأغنية “قلبى على ايدى” وديه عكسها، فإيقاعها هادى ومناسب لطبيعة الأغنية اللى بـ يقدم فيها اعتذار لحبيبته.

نقدر نقول أن ألبوم كيلانى قدم كلمات جديدة وواقعية
وكمان متماشية مع اللحن ومش مبتذلة، رغم أن المواضيع كلها متشابهة ومافيهاش جديد، وقدم
ألحان وتوزيعات جديدة للأغانى هـ تلاقى صدى عند جمهور المستمعين، إلا أنه فيه بعض
الأغنيات كان صوت الموسيقى أعلى من صوته وده مكانش مبين كلام الأغنية إلى حد
ما.

عجبك ؟ جرب

«مين زينا» لهيثم نبيل، «3 كلمات» لعبد الفتاح الجريني.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح