The Definitive Guide to Living in the Capital , Cairo , Egypt

مع نفسى

محمد نور: مع نفسي

  • محمد نور
  • بوبشرقي
  • من الآن
  • ميلودى ميوزيك
  • كل مكان
تم التقييم بواسطة
Mostafa Maher
قيم
قيم الآن
محمد نور: مع نفسي

ألبوم جديد لمحمد نور اسمه «مع نفسي» موجود حاليًا في الأسواق
بعد تأجيله أكثر من مرة لأسباب كثير منها ورطة نور في بداية الثورة بسبب أغنية
عملت له مشاكل وخلِت بعض الناس يضموا اسمه للقوائم السوداء للفنانين، لكن مش ده
المهم، المهم أنه لسه محافظ على شغله وقدملنا ألبومه الثالث في شكل مُختلف.

الألبوم فيه 10 أغاني، 8 منهم كتب كلماتهم جمال الخولي ولحنهم
محمد نور وقام بتوزيعهم يحيى يوسف.

أول أغاني الألبوم «تالتة ابتدائي» فكرتها جميلة تخلينا
نفتكر ذكريات زمان مع الحب الأولاني، «كنت عايشة» أغنية قوية بـ يهديها نور لكل
بنت حبت بجد من قلبها، ولو كنت قابلت حبيبتك بعد ما سيبتها ولقيتها اتغيرت وما
بقتش زي ما كنت تعرفها اسمع «قلت يمكن» لأن نور بـ يوصف فيها نفس الحالة. «لو رحنا
فين» أغنية لحنها رائع جدًا وده العادي من محمد يحيى والتوزيع مميز ليحيى يوسف، أغنية
رومانسية هادية هـ تـحبها.

أغنية الألبوم أو الـ Head «مع نفسي» تهم
أى حد لسه عايش على ذكرى حبه الآخير ومستني الصدفة تخلصه من أوقات انتظار اللقاء
عشان يرتاح، أغنية حزينة لكن جميلة، سادس أغنية هى «اختاري انتِ» كتب كلماتها محمد
عاطف ولحنها من إبداع محمد يحيى وأحلى حاجة في الأغنية هي التوزيع الموسيقي
واعتماد الموزع على صوت الدف النوبي وده زَوّد من جودة الأغنية وخلاها من أفضل
أغاني الألبوم.

«فكرك إيه؟» أجمل ما فيها صوت الجيتار وأداء محمد نور،
لكن للأسف الكلمات واللحن مش قد كده، لكن في أغنية «الموضوع وما فيه» بـ نسمع لحن
جميل جدًا لرامي جمال ومناسب لكلمات محمد عاطف وتوزيع زميل الكفاح في فرقة «واما»
نادر حمدي، طبعًا التركيبة دي عملت حالة مختلفة لنور والأغنية طلعت قوية جدًا،
ومعظمنا عارف أن نفس الأغنية ليها فيديو كليب اتذاع السنة اللي فاتت، وحاول تعرف
الفرق بين الكليب والأغنية وانت بـ تسمع الألبوم!

محمد نور نضج فنيًا وطور من نفسه وده كمان كان واضح في أدائه
في الألبوم الأخير مع فريق «واما».

عجبك ؟ جرب

«واحشك قوي» لمحمد نور، «يا ليل» لفرقة واما، «جيت في بالي» لأحمد فهمي.

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح