The Definitive Guide to Living in the Capital , Cairo , Egypt

أسماك الجمهورية

أسماك الجمهورية: عربة تقليدية لبيع الأسماك فى الزمالك

  • 122 شارع 26 يوليو
  • مأكولات سريعة
  • 0227351593
تم التقييم بواسطة
Hannah Cooper
قيم
قيم الآن
أسماك الجمهورية: عربة تقليدية لبيع الأسماك فى الزمالك

ساعات كثير كل اللى عاوزه فى القاهرة بـ يبقى أكلة سريعة
ورخيصة. ونظرًا لأن الزمالك بالفعل فيها نقص فى عدد عربيات الفول والطعمية
التقليدية، فالمكان ده بديل لطيف لو كنت مستعجل ومحتاج حاجة بسيطة تشبعك.

فى شارع 26 يوليو بين شارع شجرة الدر وشارع
صالح أيوب، «الجمهورية» يعتبر مكان أساسى فى الزمالك وموجود هناك من سنين طويلة. مافيش
أى حاجة مبهرة نقدر نوصف بها المكان، هو عبارة عن فتحة صغيرة فى الحائط أمامها
عربية السمك مباشرة. هـ
تلاقى مكتوب عليها “فيش كارت”، خليك مركّز علشان تعرف توصل لها.

من
المنظر العام، المطبخ كان مصدي شوية، بس شكله كان نظيف ومترتب كويس. المنيو كانت
مليانة حاجات، سواء المطبوعة، أو منيو التيك أواي والمعلقة على الأبواب. سواء كنت هـ تقعد أو هـ تأخذ أكلك معاك، هما كام دقيقة ويكون أكلك وصل. مافيش
تضييع وقت ودى كانت حاجة كويسة جدًا. هـ
تلاقى ترابيزة صغيرة وكراسى على الرصيف لو حابب تقعد وتستمتع بوجبتك هناك.

بالنسبة
للمقبلات هـ تلاقى أنواع من
الشوربة والسلاطات. الشوربة من ضمنها الجندوفلى أسعاره بين 15:
18
جنيه. السلاطات من 1: 10 جنيه زى باذنجان مخلل، وسبيط، وسلاطة
خضراء تقليدية فيها خس، وطماطم وبصل.

لو بـ تدور على كميات أكل أكبر أو وجبة لأكثر من فرد،
الجمهورية بـ يقدم وجبات من 15: 30 جنيه) وأسماك بالكيلو من 40:  85جنيه. الوجبات بـ تُقدم مع أرز، ومخلل، وسلاطة واختيارك من السمك، فى حين أن
كيلو سمك الفيليه المشوى سعره معقول (40 جنيه).

رغم كده، الساندويتشات هـ تفضل برضه هى الأسهل
والأكثر شعبية، تقدر تختار بين العيش البلدى أو الفرنساوى مع سمك (مقلى أو مشوى،
كاليمارى، جمبرى، فيليه وأنواع ثانية مش معروفة قوى).

الأحجام الموجودة هى الوسط والكبير. ساندويتش جمبرى وسط
فى عيش بلدى بـ 7 جنيه بـ يتكون من جمبرى مقلى عليه طحينة. كمان استمتعنا
بساندويتش سمك فيليه فى عيش فرنساوى له نكهة مميزة، مع جرعة الليمون والطحينة عليه
خلت الطعم حلو جدًا.

رغم أن الجمهورية عنده خدمة توصيل، لكن أنك تستمع بساندويتشك
فى المكان غالبًا بـ يبقى أحلى، والشباب اللطيف الموجود على الكاونتر هـ يشجعوك تعمل كده.

نصيحة 360

روح فى الفترة من الصبح لمنتصف اليوم، علشان الأكل بـ يبقى مش طازج ومعجن شوية على آخر اليوم.

أحسن حاجة

ساندويتش سمك لذيذ بأقل من 10 جنيه؟ إحنا أكيد رايحين.

أسوأ حاجة

الأرز والسلاطة كانوا قليلين وطعمهم مش حلو.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح