The Definitive Guide to Living in the Capital , Cairo , Egypt

أليكس توب – Alex Top

أليكس توب: كشري سريع ورخيص في الزمالك

  • 2 شارع دكتور طه حسين
  • مصري
  • 0227357601
تم التقييم بواسطة
Hannah Cooper
قيم
قيم الآن
أليكس توب: كشري سريع ورخيص في الزمالك

أنك تاكل بفلوس قليلة وتشبع دي حاجة سهلة في بلد زي مصر، بس مش في كل الأحياء، يعني هـ تتعب شوية على ما تلاقي محل أسعاره في اللذيذ في حي زي الزمالك، خاصة وإحنا شعب بـ يحب الكشري ويحب يلاقي محلات كشري في كل حتة يروحها، المحل اللي بـ نتكلم عنه النهارده بـ يعمل كشري وأصناف ثانية كمان وفي الزمالك.

رغم أن المحل حجمه صغير جدًا في شارع طه حسين قبل مبنى «اليمامة سنتر» ومطعم «مانش & بيجل – Munch & Bagel»، بس قادر يرضي سكان الزمالك ويلبى احتياجاتهم من الأكلة الشعبية. زباين كثير بـ يختاروا أنهم ياخدوا الأكل تيك آواي أو يتوصل للبيوت ديلفري، بس فيه مكان للأكل جوة المحل برضه لو عاوز. الترابيزات مرصوصة قريب بشكل طولي تحس معاه أن الناس قاعدة مع بعضها.

طبعًا أحلى حاجة في الأكل جوه المحل زجاجات الدقة والشطة اللي أمامنا على الترابيزة، علشان لو أخدت تيك أواي مش هـ تأخذ نفس كمية الدقة في الأكياس البلاستيك الصغيرة دي. «أليكس توب» مبتكر في الأحجام بتاعته، فيه الحجم الكبير الحصري اللي مش موجود في أي محل ثاني، وفيه حجم عائلي ممكن تجيبه لوحدك لو كنت جعان قوي بـ 9 جنيه.

الحجم العادي بـ 4 جنيه وده اللي كل الناس بـ تجيبه، على الوجه حبة حمص وتقلية بصل حلوين، بس برضه سهل أنك تخلصه لأن الكمية مش كبيرة قوي، بس بالمقارنة بمحلات ثانية؛ الكشري هنا له نكهة مختلفة. الدقة مضبوطة قوي ومززة بس للأسف الشطة مش حراقة قوي، وفيه أصناف ثانية غير الكشري في المحل زي طواجن المكرونة باللحمة أو بالفراخ ودي سعرها 10 جنيه.

لما تكون في الزمالك وعاوز تأكل وجبة سريعة وتشبع من غير ما تصرف كثير، روح على «أليكس توب». الخدمة سريعة وممتازة، سواء داخل المحل أو ديلفري أو تيك أواي، ولما بـ يوصل الأكل بـ يوصل سخن وطازة، وهـ يكلفك 2 جنيه زيادة بس.

نصيحة 360

 لو عاوز أرز أو عدس أو مكرونة زيادة ممكن تطلب أن طبقك ييجي متقسم زي ما أنت عاوز.

أحسن حاجة

تقريبًا محل الكشري الوحيد في الزمالك.

أسوأ حاجة

فيه محلات كشري ثانية كثير أطعم منه.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح