The Definitive Guide to Living in the Capital , Cairo , Egypt

مطاعم
أوفيو – Ovio

أوفيو: أكل إيطالي أصلي ولذيذ في المعادي

أفضل مطاعم المعادي أوفيو المعادي شارع 19 مطاعم مطاعم مميزة في القاهرة نقد مطاعم
  • 11 شارع 18، فندق رويال معادي
  • عالمي
  • 08:00 - 00:00
تم التقييم بواسطة
Nagla Ashraf
قيم
قيم الآن
أوفيو: أكل إيطالي أصلي  ولذيذ في المعادي

في شوارع المعادي الهادية بالظبط في شارع 19 وسط الشجر والفيلل، بيظهر مطعم أوفيو – Ovio واللي كبتنا عنه قبل كده وبقى ليه فروع في التجمع و6 أكتوبر بس هيفضل الفرع الأم في المعادي هو الأقرب لقلبنا.

المكان مقسوم نصين نص أوت دور وسط الشجر في الهواء الطلق، ونص إن دور في التكييف، قعدنا جوه وبدأنا وجبتنا بشوربة طماطم بـ 45 جنيه، واللي نزلت بعد ما طلبناها بنص ساعة تقريبًا وكانت سخنة ودسمة وجواها توست مخبوز أطرافه مقرمشة وقلبه الطري شارب الشوربة، طعم الشوربة كان مظبوط ما بين لذوعة الطماطم ودسم الكريمة اللذيذة، ماكنش ناقصها حاجة أبدًا.

بعد كده طلبنا سلطة بالفراخ والتفاح بـ 98 جنيه، وبيتزا مارجريتا ومكرونة فونجي بالفراخ والصوص الأبيض بنفس السعر.

سلطة الفراخ كانت عبارة عن جبنة براميزان وخس وقطع فراخ وعين جمل وقطع تفاح مع تتبيلة بالليمون والخل، والمكونات كانت طازة جدًا، وإن كان مع قطع الدجاج قطع بصل وكنا نتمنى يتم تنبهينا لده لأنه مش مكتوب في المنيو، لكن بصفة عامة الطعم كان مميز بس لو كان الدريسينج صوص هاني مسترد كانت هتبقى أحلى.

أما بقى البيتزا فكانت هايلة ورفيعة على الطريقة الإيطالية وطعم صلصلة الطماطم فيها مميز، لكن ممكن محتاجة جبنة أكتر، وبعض أطرافها كانت مقرمشة زيادة عن اللزوم وأقرب للملسوعة.

المكرونة كانت عبارة عن مكرونة بالصلصة البيضة مع قطع المشروم والدجاج، وقوام الصوص كان مظبوط جدًا وتقيل هيشبعك تمام زي ما الكتاب بيقول.

طلبنا كمان عصير ليمون نعاع سموزي بالجنزبيل وكان طعمه حكاية صحيح كان ناقصه سكر شوية في الأول بس أول ما زودناه كان طعمه مظبوط جدًا ومنعش.

نصيحة 360

جربوا الحلو حكاية

أحسن حاجة

الشوربة

أسوأ حاجة

الأطراف الشبه ملسوعة في البيتزا

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح