The Definitive Guide to Living in the Capital , Cairo , Egypt

أوليفز

أوليفز: الأكل في قعدة رايقة والهواء الطلق في التجمع الخامس

  • داونتاون مول - التجمع الخامس - شارع 90
  • 023146038,01067066222
تم التقييم بواسطة
Anne De Gcairorevamp_user
قيم
قيم الآن
أوليفز: الأكل في قعدة رايقة والهواء الطلق في التجمع الخامس

رغم
أن أغلب الأماكن في مول “داونتاون” الموجود في التجمع الخامس فاضية
وتعتبر لسه مهجورة، لكن المول أمامه منطقة كبيرة زحمة ومليانة مطاعم مفتوحة، ومن
ضمنهم مطعم «أوليڤز – Olives».

التراس
هو اللي عامل الجو كله للمطعم لأنه من الداخل ضيق شوية وما يقدرش يستوعب عدد كبير
من الزبائن. الكراسي الخشبية كانت مريحة، ورغم أن التراس كان مليان على الآخر لمّا
إحنا وصلنا هناك، المنيو اتقدم لنا على طول. بعد ما قلبنا في المنيو شوية، اختارنا
كنافة بالجمبري (38.5 جنيه)، سلمون مخبوز (68.85 جنيه)، برجر لحم بالبيكون (32.85
جنيه) وفيليه لحم بصوص الجبن الروكفورد (59.85 جنيه).

لكن
تحمسنا بقى أقل لما الويتر قال لنا أن صوص الجبن الريكفورد مش متوفر وقتها، فـ
طلبنا بداله صوص الفلفل البني. بعد ما انتظرنا حوالي 20 دقيقة الجرسون جاء يقول لنا
أن الكنافة بالجمبري كمان خلصت؛ فـ مرة ثانية اضطرينا نغير اختيارنا وطلبنا سلطة
جبن حلوم بالبرتقال والنعناع (24.85 جنيه). وبعد 5 دقائق كمان اتفاجئنا أن الأطباق
الرئيسية اللي طلبناها نزلت على الترابيزة.

فيليه
اللحم كان كميته كبيرة ومعاه كمية وفيرة من الصوص والبطاطس المهروسة على الجنب، الفيليه
كان نصف مستوي زي ما كُنا طالبين وكان طري. لكن اللحم كان مالوش طعم شوية وكان
ممكن يتبلوه شوية أحسن وهما بـ يحضروه. صوص الفلفل كمان كان فيه فلفل أخضر بزيادة.

برجر
اللحم كان ناشف شوية والقطعة نفسها كانت أصغر من العيش اللي مش طازج قوي! كمان كان
ناقص صوص وكان مُقدم مش ساخن ومش بارد، السلمون كان معاه كمية وفيرة من صوص طعمه
مسكر، وما كانش عامل خليط حلو قوي مع نكهة السلمون القوية.

بعد
ما خلصنا الأطباق الرئيسية، طبق المقبلات اللي طلبناه كان نزل أخيرًا، رغم أن سلطة
الجرجير كانت كويسة كان ممكن الصوص اللي بالنعناع يبقى أقل شوية. لكن من الناحية
الثانية سلطة الجبن الحلوم كانت لذيذة جدًا لكن كان فيها نكهات قوية جدًا لدرجة أن
الطبق كان لا يقاوم.

طاقم
العاملين كله لابس طاقية حمراء مضحكة، ومشغولين جدًا علشان يبقوا منتبهين، رغم
أنهم ما كانوش ودودين قوي وقت ما رُحنا. إحنا حسينا الأكل ما كانش جامد قوي، لكن
أكيد هـ نرجع لـ «أوليڤز» ثاني علشان نأخذ شيشة (20 جنيه) ونشرب حاجة وإحنا بـ
نتفرج على اللي رايح واللي جاي.

نصيحة 360

زي أغلب المولات، المطعم مافيهوش حمام، بس فيه واحد في الدور اللي فوق «أوليڤز».

أحسن حاجة

الجو الهادىء والمُرخي للأعصاب.

أسوأ حاجة

الخدمة البطيئة، والعلاقة الضعيفة مع الجرسونات بخصوص المنيو.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح