The Definitive Guide to Living in the Capital , Cairo , Egypt

إنديجو – Indigo

إنديجو: أكل أسيوى أنيق فى فيرست مول

  • الدور الثاني، فيرست مول
  • عالمي
  • 0235700121
تم التقييم بواسطة
Jessica Noble
قيم
قيم الآن
إنديجو: أكل أسيوى أنيق فى فيرست مول
 بعد ما لبسنا أشيك حاجة عندنا، مشينا شوية بشوية فى فيرست مول لغاية ما وصلنا لـ “إنديجو – Indigo” المكان المشهور بمطبخه الأسيوى وتجربة الأكل اللطيفة. بعد ما تركنا مول التسوق الأبيض الممل ودخلنا من أبواب المطعم الزجاجية، ومع الإضاءة الخافتة والمياه الجارية تحت الحوائط الصخرية المزخرفة بالألوان حسينا أننا عاوزين نقعد ونتأمل زى ما بوذا كان بـ يعمل.
أرشدنا الجرسون لمكاننا بعد البار الكبير على الجنب لقاعة الأكل الكبيرة. الألوان الدافئة والتماثيل الخشبية أضفت جو بوذى على المكان اللى بـ يشجعك أنك تغوص فى الكنب القصير المخملي. مكان جلوس مرتفع محاط بستائر مثبتة بمسامير علشان تزود الإحساس بالخصوصية، والمنظر الخرافى للنيل بـ يخلق جو رومانسى ساحر.

المنيوهات وصلت بعد وقت قليل. لاحظنا أن منيو المشروبات كانت كبيرة، إنديجو فيه مشروبات كحولية وكمان كوكتيلات غير كحولية زى كوزمو وفروتى جود (32 جنيه للمشروب)، والكوكتيلين كانوا سميكين، وفريش وطعمهم لذيذ على الآخر مع قطع فاكهة فى كلٍ منهم.
فكرنا فى الاختيارات الخطيرة من الأكلات اللى بـ يقدمها إنديجو وقررنا نكافئ نفسنا بـ دراجون بولز (65 جنيه) كفاتح للشهية؛ عبارة عن كرات من الجمبرى المقلى بصوص التشيلى الحلو. أما الأطباق الرئيسية اختارنا الوجبة الصينية المفضلة دائمًا crispy duck pancakes بصوص الهويسن  hoisin sauce وده سعره 90 جنيه، ولحم مقلى بالبصل الأخضر وصوص الفلفل الأسود (80 جنيه). الأطباق الرئيسية بـ تُقدم زى ما هي من غير أطباق جانبية، وعلشان كده طلبنا أرز بالخضار (18 جنيه) وأرز بالخضار والشعرية ولفائف صينية bok choy مع أويستر صوص (50 جنيه).
قبل ما المقبلات تنزل، نزلوا لنا على سبيل الترحيب هدية لذيذة، عبارة عن قطعة سبرينج رول لكل فرد محشية فراخ وصوص حراق. رغم أن البهارات كانت شديدة شوية، الرول المقرمشة نفسها كانت تحفة وخلتنا منتظرين اللى هـ ينزل بعدها.
الدراجون بولز طعمها كان كمان أحلى من العينة إللى تذوقناها -وغالبًا هو أشد طبق موجود-، كانت مقدمة بشكل لطيف والكرات صغيرة ومقرمشة عظيمة. نقدنا الوحيد أنها كانت طرية بزيادة وصعب تغمسها فى صوص التشيلى الحلو من غير ما تتفكك.
بعد كده وصلت الأطباق الرئيسية إللى كانت محبطة شوية بعد المقبلات الجميلة. رغم أن البطة المقرمشة كانت طازجة وغالبًا جودتها أعلى بكثير من إللى متعودين عليه، بس ما كانتش مقرمشة ولا مقطعة، والبان كيكس كانت معجنة شوية. الأرز بالشعرية برضه كان طعمه قريب من السمك بسبب صوص المحار.
على عكس البطة، البيف المقلى كان طرى ورطب بسبب الصوص الغنى والأحلى والأجمل هو الأرز بالخضار الرطب؛ ودول فعلاً بـ يمثلوا طبق جانبى مدهش.
اختارنا نحلى بـ بنانا ديلايت (38 جنيه) واللى أخذت وقت طويل لغاية ما وصلت. الموز كان ذهبى ودافئ ومقدم مع صوص شوكولاتة غامقة طعمه مر، بس لحسن الحظ أن إحنا من عشاق الموز الدافئ والشوكولاتة الغامقة؛ وإلا كان زماننا تضايقنا جدًا من اختيار الشوكولاتة الغامقة بدل من الشوكولاتة بالحليب.
الخدمة طوال الوقت كانت مركّزة ومافيهاش غلطة والجرسونات قدروا بطريقة مش مفهومة يزودوا لنا المياه كل شوية. ورغم أن المكان غالى شوية، بعض الأطباق وخلطات الفاكهة تستحق كل جنيه، ده غير الجو اللطيف اللى يقدر لوحده يخلى الناس تيجى المكان من ثانى.

نصيحة 360

إنديجو بـ يقدم عرض مميز، بـ 175++ للفرد تقدر تأكل سوشى زى ما أنت عاوز من السبت للأربعاء.

أحسن حاجة

الدراجون بولز المقرمشة.

أسوأ حاجة

طبقنا المفضل، البط، ما كانش على المستوى المتوقع.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح