The Definitive Guide to Living in the Capital , Cairo , Egypt

مطاعم
إيت & باريل – Eat & Barrel

إيت & باريل: مطعم ولاونج لطيف على كورنيش الجيزة

  • 139 شارع النيل
  • عالمي
  • 12 مساءً - 12 صباحًا -
تم التقييم بواسطة
Aliaa Serry
قيم
قيم الآن
إيت & باريل: مطعم ولاونج لطيف على كورنيش الجيزة

من أهم الحاجات اللي بـ يعتمد عليها تحديد شكل المطعم هي موقعه وتقديم تجربة مختلفة لكل القاهراوية الأكيّلة، "إيت & باريل – Eat and Barrel" استغل الموضوع ده، وقدر يقدم لزواره منظر بانورامي مبهر لكورنيش نيل الجيزة.

"إيت & باريل" بـ يقدم جو بوهيمي نوعًا ما وسط مناظر بحرية رائعة وأجواء صيفية منعشة، بترابيزات خشب بيضاء وكراسي وكنب منخفضة بمخدّات مريحة، إضاءة ضعيفة وموسيقى لطيفة مع أصيص زرع وزجاجات معلقة في السقف، "إيت & باريل" يعتبر بار ومطعم، وقدر يعمل اللي أغلب الأماكن فشلت فيه، وهو أنه يوصل لحاجة مشتركة بين الاثنين؛ فعلًا أصحاب المكان عاملين مجهود جامد علشان المطعم يتحول لمكان خروج لطيف، وده عن طريق سهرات DJ كل يوم بالليل.

الجرسون وصّلنا على طول لترابيزتنا المحجوزة من قبلها، وقدم لنا المنيوهات، من ناحية الأكل، إيت & باريل بـ يركّز على الأطباق التقليدية ومش بـ يحاول يعمل أي ابتكارات، شوربة، سلاطات، برجر، باستا، ستيك، فراخ مقلية ومشوية وشوية اختيارات سي فوود كانت في المنيو مع تشكيلة من الحلويات، عندهم كمان كوكتيلات، وعصائر وشيشة.

بدأنا مع اثنين شيشة، واحدة بلوبيري والثانية بالفانيليا وجوز الهند (35 للواحدة). بعد خمس دقائق بس وصلت الشيشة اللي كانت خفيفة ونكهاتها مضبوطة. جوعنا الشديد هو اللي اختار الأكل مش هـ نخبي عليكم، Crunchy Melt Burger بـ (65 جنيه) وطبق فتوتشيني ألفريدو بالفراخ الكلاسيكي (63 جنيه)، لكن بدلنا الفتوتشيني بمكرونة بنّا.

نفس الكلام، الأكل وصل بسرعة جدًا، وكان شكلًا حلو زي طعمه، البرجر وصل على شكل قطعتين عيش كبار وبينهم قطعة اللحم المتسويّة تمام وعليها شرائح موتزاريلا مقلية وبيف بيكون؛  حاجة كده من الآخر. كل ده ما يمنعش أننا كنا نمتنى أن العيش يكون فيه شوية قرمشة بسيطة، مافيش كلام أن الطلبات الجانبية من السلطة والبطاطس المحمرة كانت لطيفة، بس البرجر العملاق طغى على كل حاجة.

زي ما طلبنا، المكرونة وصلت بنّا، وكانت غرقانة في واحد من أخف الصوصات البيضاء اللي شوفناها في حياتنا، وعليها كمية محترمة من قطع الفراخ المشوية، الفكرة هنا أنها كانت لذيذة وفي نفس ذات الوقت مش ثقيلة للدرجة، على عكس اللي بـ نأكله في أغلب المطاعم.

المطعم بجد يستحق أوسكار أحسن خدمة؛ الجرسونات كانوا مصحصحين على الآخر، فاهمين شغلهم، ودودين وكمان بـ يوصفوا الأطباق صح وفوق كل ده دائمًا هـ تلاقي واحد لو عندك أي طلبات.

ملخص الموضوع.. "إيت & باريل" يستحق أسعاره، علشان قدر يقدم أطباق لذيذة، خدمة هائلة وأجواء خفيفة منعشة، وفوق كل ده إطلالة النيل الخرافية، إحنا معاك الأسعار هنا غالية شوية، ده غير 150 حد أدنى للطلبات في الويك إند، بس لو كنت مركّز معانا آخر سطرين، أكيد هـ تشوف أن الموضوع يستاهل تدفع شوية زيادة.

من أهم الحاجات اللي بـ يعتمد عليها تحديد شكل المطعم هي موقعه وتقديم تجربة مختلفة لكل القاهراوية الأكيّلة، "إيت & باريل – Eat and Barrel" استغل الموضوع ده، وقدر يقدم لزواره منظر بانورامي مبهر لكورنيش نيل الجيزة.

"إيت & باريل" بـ يقدم جو بوهيمي نوعًا ما وسط مناظر بحرية رائعة وأجواء صيفية منعشة، بترابيزات خشب بيضاء وكراسي وكنب منخفضة بمخدّات مريحة، إضاءة ضعيفة وموسيقى لطيفة مع أصيص زرع وزجاجات معلقة في السقف، "إيت & باريل" يعتبر بار ومطعم، وقدر يعمل اللي أغلب الأماكن فشلت فيه، وهو أنه يوصل لحاجة مشتركة بين الاثنين؛ فعلًا أصحاب المكان عاملين مجهود جامد علشان المطعم يتحول لمكان خروج لطيف، وده عن طريق سهرات DJ كل يوم بالليل.

الجرسون وصّلنا على طول لترابيزتنا المحجوزة من قبلها، وقدم لنا المنيوهات، من ناحية الأكل، إيت & باريل بـ يركّز على الأطباق التقليدية ومش بـ يحاول يعمل أي ابتكارات، شوربة، سلاطات، برجر، باستا، ستيك، فراخ مقلية ومشوية وشوية اختيارات سي فوود كانت في المنيو مع تشكيلة من الحلويات، عندهم كمان كوكتيلات، وعصائر وشيشة.

بدأنا مع اثنين شيشة، واحدة بلوبيري والثانية بالفانيليا وجوز الهند (35 للواحدة). بعد خمس دقائق بس وصلت الشيشة اللي كانت خفيفة ونكهاتها مضبوطة. جوعنا الشديد هو اللي اختار الأكل مش هـ نخبي عليكم، Crunchy Melt Burger بـ (65 جنيه) وطبق فتوتشيني ألفريدو بالفراخ الكلاسيكي (63 جنيه)، لكن بدلنا الفتوتشيني بمكرونة بنّا.

نفس الكلام، الأكل وصل بسرعة جدًا، وكان شكلًا حلو زي طعمه، البرجر وصل على شكل قطعتين عيش كبار وبينهم قطعة اللحم المتسويّة تمام وعليها شرائح موتزاريلا مقلية وبيف بيكون؛  حاجة كده من الآخر. كل ده ما يمنعش أننا كنا نمتنى أن العيش يكون فيه شوية قرمشة بسيطة، مافيش كلام أن الطلبات الجانبية من السلطة والبطاطس المحمرة كانت لطيفة، بس البرجر العملاق طغى على كل حاجة.

زي ما طلبنا، المكرونة وصلت بنّا، وكانت غرقانة في واحد من أخف الصوصات البيضاء اللي شوفناها في حياتنا، وعليها كمية محترمة من قطع الفراخ المشوية، الفكرة هنا أنها كانت لذيذة وفي نفس ذات الوقت مش ثقيلة للدرجة، على عكس اللي بـ نأكله في أغلب المطاعم.

المطعم بجد يستحق أوسكار أحسن خدمة؛ الجرسونات كانوا مصحصحين على الآخر، فاهمين شغلهم، ودودين وكمان بـ يوصفوا الأطباق صح وفوق كل ده دائمًا هـ تلاقي واحد لو عندك أي طلبات.

ملخص الموضوع.. "إيت & باريل" يستحق أسعاره، علشان قدر يقدم أطباق لذيذة، خدمة هائلة وأجواء خفيفة منعشة، وفوق كل ده إطلالة النيل الخرافية، إحنا معاك الأسعار هنا غالية شوية، ده غير 150 حد أدنى للطلبات في الويك إند، بس لو كنت مركّز معانا آخر سطرين، أكيد هـ تشوف أن الموضوع يستاهل تدفع شوية زيادة.

نصيحة 360

اوعى تنسى تحجز ترابيزتك من خلال الاتصال 01016496999.

أحسن حاجة

مافيش أحلى من أكل لذيذ، فريق عمل مميز وإطلالة تحفة.

أسوأ حاجة

الأسعار غالية شويتين.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح