The Definitive Guide to Living in the Capital , Cairo , Egypt

كازابلانكا – Casablanca

الموروكو: أكل مغربي لذيذ على النيل

تم التقييم بواسطة
Anne de Groot
قيم
قيم الآن
الموروكو: أكل مغربي لذيذ على النيل

بما أن
المطاعم اليابانية، اللبنانية، وطبعاً المصرية مغرقة البلد، يبقى المطابخ العالمية
الثانية مرحب بها جداً، وخصوصاً لو من بلاد عربية شقيقة. «الموروكو» -زي ما واضح من
اسمه- مطعم متخصص في الأكل المغربي، وموجود في الدور اللي تحت في مركب «بلو نايل»
في الزمالك.

بـ تدخل
للمطعم من خلال طرقة صغيرة من الأرابيسك. فيه شوية ترابيزات عالية حول منطقة البار، لكن إحنا ننصحك تأخذ ترابيزة منخفضة أحسن. الترابيزات حولها بنشات ومتغطية بمخدات،
تقدر تغطس فيها وتسترخى على قد ما تقدر. «الموروكو» مناسب للمجموعات الكبيرة، فيه قعدات
متقسمة بالأرابيسك وكل واحدة فيها 4 ترابيزات.

المنيو
بتاعهم شامل، وخصوصاً في المقبلات. فيه شوربة الحريرة المغربي الكلاسيكية (35 جنيه)، و الميكسد سيجار المغربي (لحمة ملفوفة في الجلاش) بـ 35 جنيه، لكن فيه كمان
بعض الأطباق العالمية زي السبرينج رولز (35 جنيه)، السلمون المدخن (92 جنيه)،
والمخ البانيه (48 جنيه). بالنسبة إلى الأطباق الرئيسية، فيه أنواع كتير من الطواجن،
أطباق الكسكسي، والتخصص المغربي الباستيللا.

أما المقبلات، فـ جربنا السوسيس (39 جنيه)، والحمص (22 جنيه). السوسيس كان متقدم
ساخن جداً ومعاه خضروات. اللحم نفسه كان طِعِم جداً، مشوي ومتبل كويس
وحراق على خفيف. الحمص تقريباً من أحسن اللي جربناهم في القاهرة، كمية الليمون فيه
كانت مظبوطة، وده خلاه منعش جداً.

بالنسبة إلى الطبق الرئيسي، جربنا طاجن اللحم الضاني بالخوخ (68 جنيه) وباستيللا الفراخ (62
جنيه)، لكن اللحم الضاني كان غرقان سمن شوية. الخليط مع الخوخ كان طِعِم، لكن
للأسف الخوخ كان لسّه فيه بذر. والصوص اللي مع اللحم كان خفيف شوية.

لكن من
الناحية التانية، الباستيللا كانت خُرافة، وهي عبارة عن فطيرة وفيها حشو.
إحنا جربنا باستيللا الفراخ، لكن ممكن كمان تجربوها بفواكه البحر أو الحمام، وده
التقليدي أكتر. الحشو كان معمول من اللحم، اللوز، وبهارات متنوعة، ومحطوطين
في عجينة واركا (حاجة زي الكريب)، ومن فوق عليها صوص السكر والقرفة. خليط طعم الحلو
مع الحادق بـ يخللي الطبق ده فريد ولازم يتجرب.

العاملين في
«الموروكو» خدومين ومهذبين جداً. الحاجة السيئة في تجربتنا كانت المزيكا،
أغلبها كان هادي. بس بعد نصف الليل، المكان بـ يبقى نايت كلوب، وده معناه أن أكيد
الأغاني بـ تبقى أحسن.
«الموروكو» اختيار
كويس لأكلة بديلة في كايرو، جودة الأكل كويسة، والديكور بتاع “ألف ليلة
وليلة” جميل، بس ياخسارة المكان مش واخد حقه في رؤية النيل، برغم موقعه.

نصيحة 360

دورات المياه اللي جنب الموروكو، رغم أنها نظيفة بس مش كويسة قوي، اللي في الدور اللي فوق في المركب أحسن منها.

أحسن حاجة

طبق الباستيللا والقعدات المريحة.

أسوأ حاجة

المزيكا غريبة شوية.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح