الأسكندراني
خبير في السمك بالوراثة، و لو سألت أي واحد منهم عن أحسن مطعم سمك في الأسكندرية هـ
يكون عنده الرد الجاهز، المشكلة ان كل إسكنداراني عنده قناعة شديدة ان مطعمه المفضل
هو الأفضل على الإطلاق. فقبل ما اصحابك الإسكندرانيين يبدأوا حوار ساخن عن
“أحسن مطعم سمك في أسكندرية”. وفر على نفسك و روح النادي اليوناني في
الأنفوشي، و هـ تعرف بنفسك.
المينا
من ناحية وقلعة قايتباي من الناحية التانية – منظرين خلابين بـ يحضنوا تراس النادي،
وجعلوه المكان الأكثر شعبية في اسكندرية. وعشان كده الحجز مهم جداً، خاصةً في الويك إند.
في الصيف التراس مثالي، الجو غني عن الوصف
وكمان منه ممكن تراقب اللانشات بـ تسابق بعضها في البحر. و في الشتاء النادي بـ يوفر
دفايات في التراس، لأن شتاء إسكندرية في حاجة شديدة لها.
ديكور
المطعم عبارة عن مزيج من الأنتيكات اليونانية و البحرية. لما تدخل المطعم، على
الشمال هـ تلاقي ثلاجة سمك طازة بـ يلعب، وبـ يتنطط مستنيك تختاره. و على الشمال سبورة سوداء، على الستايل
الأوروبي مكتوب عليها الأطباق اللي بـ يرشحها المطعم.
بعد ما تقعد على الترابيزة هـ يتقدملك
في الحال طبق عيش أبيض لسة خارج من الفرن – ريحته هـ تملى المكان وهـ تغريك، فحاول تقاوم عشان
ما تملاش بطنك. و مكان العيش حوّْشه لأطعم مقبلات، واللي بطبيعة الحال السلاطة اليونانية.
السلاطة اليونانية بتاعة المطعم مززة و لذيذة، وورق الزعتر بـ يضيف على مكعبات
الجبنه الفيتَّة طعم مميز. أما الطحينة فمظبوطة تمام، وصلصة البطارخ اليونانيه
أكثر من رائعة لدرجة إن الناس بـ تروح المطعم مخصوص عشانها.
لو ليك
في السمك الصغير أطلب بساريا، بـ يعملوها مقلية بـ تميز، ودي ممكن تـ تاكل على
بعضها. الكاليماري (السبيط) مقلي ومشوي من الأطباق اللي شعبية في المطعم، و بـ
يتقدم معاه ليمون.
المطعم
بـ يقدم الطبق الرئيسي بشكل رائع: سمكة كبيرة (الوقار إختيار جيد) على طبق متغطي
بشرائح البطاطس والليمون. وبما أنك في الغالب هـ تكون شبعت لحد كبير من المقبلات والعيش،
ممكن تطلب طبق رز كبير تشاركه مع أصحابك.
لو
الأكل كبس عليك – و دا اللي غالباً هـ يحصل – بدل ما تحلي اشرب كوباية شاي وعامةً
كوباية الشاي بعد أكلة السمك عادة مصرية (عشان المصريين مقتنعين إن السمك بـ ينيم).
وإتمشى على الكورنيش بعد دقائق هـ تلاقي نفسك عند آيس كريم «عزة» المشهور جداً أو
إشرب شايك، اسكنداراني على أصوله، من واحد من الإستاندات اللي على البحر.
النادي
اليوناني ممتاز للزوار من غير السكندريين، رجال الأعمال أو أقارب عايز تبهرهم أوتكرمهم
شوية زيادة.
وجبة ومقبلات ومشروب هـ يكلفوك حوالي 150 جنيه.
أكتب تقييم
مقترح
الحياة في كايرو
تقرير.. مصر الثانية إفريقيًا من حيث عدد الأثرياء والقاهرة فيها 7200 مليونير
ترتيب مصر من حيث الأثرياء ثروات مصر +4
صحة ولياقة
