The Definitive Guide to Living in the Capital , Cairo , Egypt

مطاعم
ال سوشي – L Sushi

ال سوشي: عربية سوشي في زهراء المعادي

ال سوشي المعادي زهراء المعادي سوشي سوشي على قد الجيب عربية سوشي
  • شارع التسعين بزهراء المعادي بداخل بنزينة وطنية
تم التقييم بواسطة
Nagla Ashraf
قيم
قيم الآن
ال سوشي: عربية سوشي في زهراء المعادي

من فترة بدأت تنتشر المحلات في شارع الخمسين في شارع زهراء المعادي، وخاصة جنب بنزينة وطنية اللي أجرت جزء من أرضها لعربيات أكل للشباب كنوع من أنواع الدعم ليهم، واتحولت المنطقة دي لأشبه بمنطقة تجارية أو شارع فيه عربيات أكل شبابية، بتقدم أكل في السريع، بحيث تطلب الطلب بتاعك وتاخده تأكله في البيت أو في العربية.

وال سوشي – L sushi كان من الأماكن اللي بدأت في عربية بجد، شاب حب يخلق لنفسه فرصة عمل وبيحب السوشي، بدأ يعمل بوست على الفيسبوك أنه موجود في شارع الخمسين في زهراء المعادي، وبيعمل سوشي بسعر مناسب، ومع الوقت قدر أنه يأجر العربية في بنزينة وطنية ويبقى في المحل أكتر من واحد بيقدموا السوشي بحرفية زي المحلات وإن اختلفت الجودة شوية.

المنيو مكون من أنواع السوشي العادية بكل أنواعها وأكل صيني عادي نودلز ودجاج ولحوم بالنكهات المعروفة، وكنا جربنا أنواع السوشي في مرة سابقة أول ما العربية فتحت وكان طعمها حكاية زي المطاعم بالظبط لكن للأسف أخر زيارة لينا المكونات ماكنتش طازة زي أول مرة ودي كانت حاجة غريبة بالنسبة لنا.

المهم طلبنا من منيو السوشي 4 قطع Lemon Roll  بـ 46 جنيه، وSpicy tuna roll بـ 45 جنيه، ومن منيو الأكل الصيني طلبنا نودلز خضروات بـ 24 جنيه، ودجاج سويت أند ساور بـ 45 جنيه.

الـ Lemon Roll  كان حلو جدًا وسخن برغم إننا أكلناه في البيت خاصة مع الترايكي صوص، على عكس الـ  Spicy tuna roll اللي كانت التونة جواها مش طازة فبوظت علينا الطعم، لكن بالنسبة لسوشي من عربية مش محل يعتبر كويس.

أما بالنسبة للأكل الصيني فالنولدز لسبب ما كانت مليانة صويا صوص بزيادة بوظ علينا الطعم، وكنا بنحاول نعوض بالترياكي صوص اللي جبناه وصوص السويت أند ساور اللي كان أفضل كتير من النودلز وطعمه كان متناسق كمان درجة تسوية الدجاج كانت مظبوطة.

نتمنى أنهم ياخدوا بالهم من الملاحظات البسيطة دي خاصة أنهم بدأ يبقى المكان زحمة، وبقى عندهم توصل للطلبات في المعادي كمان.

نصيحة 360

الاهتمام بالتفاصيل سر نجاح أي مكان خاصة في السوشي.

أحسن حاجة

الـ Lemon Roll

أسوأ حاجة

بعض المكونات ماكنتش طازة في السوشي، والصويا صوص كان كتيير في النودلز.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح