The Definitive Guide to Living in the Capital , Cairo , Egypt

رنا شرف

الباستا لها عشاق كتير في القاهرة، والمعادي كمان كمنطقة لها جمهور كبير بيحب طبيعتها الهادئة والمميزة. علشان كدة كان جميل نلاقي مكان مميز بيقدم باستا بجودة عالية ويكون موجود في حضن المعادي اللي بنحبها. اتفضلوا جربوا الأكل معانا في “باستا روبي”.

“باستا روبي” هو مكان مخصص للباستا بكل أنواعها، بيقدم منتجاته بجودة عالية وكمان الاسعار معقولة.

المكان صغير وبسيط لكنه مريح جدًا ومبهج، وفعلًا هتحس أنك بتأكل في البيت وسط أحبابك، وهتحس بسعادة حقيقية خصوصًا لو كنت من عشاق الباستا زينا.

أول حاجة جربناها في المكان كانت “باستا ألفريدو” ودي بتتقدم بالصوص الأبيض، والحقيقة الطبق كان حلو وخفيف وسعره معقول، 62 جنيه.

كمان جربنا سلاطة روبي، وسعرها 55 جنيه، والطبق ده هايل وصحي جدًا لأنه كله جرجير وطماطم وخل بلسمك مع قطع فراخ معمولة صح.

جربنا كمان عصير مانجا، وده كان سعره 30 جنيه، وعجبنا لأنه كان تقيل وقطع المانجا باينة في العصير.

تجربتنا في المكان كانت مميزة فعلًا، وأكيد هنكررها تاني قريب لأننا حبينا التفاصيل عندهم.

باستا روبي موجود في شارع 213، دجلة، المعادي.

وتقدرا تعرفوا عنهم أكثر من هنا.