The Definitive Guide to Living in the Capital , Cairo , Egypt

باندا هاوس – Panda House

باندا هاوس: أكل صيني بمستوى متذبذب في سيتي ستارز

  • صالة طعام بيراميدز، المرحلة الثانية
  • صيني,مأكولات سريعة
  • 01005287276
  • 12 ظهراً - منتصف الليل
تم التقييم بواسطة
Salma Tantawi
قيم
قيم الآن
باندا هاوس: أكل صيني بمستوى متذبذب في سيتي ستارز

من الصين لأمريكا لمصر، “باندا هاوس” عمل لنفسه اسم مميز في عالم المأكولات الصينية، ومع ذلك فرعه في “سيتي ستارز” لا يعتبر منافس قوي لفرع “الركن الآسيوي” الموجود في نفس الفوود كورت في سيتي ستارز. وهي حاجة ظريفة عمومًا أنك تلاقي أكثر من بديل للأكل الصيني في مول في كايرو.

العمال في المكان ممكن يوصلوا الأوردر لحد الترابيزة وبسرعة، أسلوب طلب الأكل نفسه سريع ومنجز، وقليل لما المكان بـ يتزحم وتبقى مش عارف تطلب، والكاشير هـ يساعدك ويرد على كل استفساراتك بخصوص المنيو، بالذات لما تسأل عن اسامي المأكولات الصينية ومكوناتها غير المألوفة.

المنيو عبارة عن أرز أو نودلز للأطباق الجانبية، والمكونات الرئيسية لحوم ودجاج، والكومبو بـ يبقى أرز أو نودلز ولحوم ومافيش مشروب. ممكن تبتدي بدجاج الوان تان كمشهيات (8 جنيه) وهي عبارة عن دجاج ملفوف في عجين وبـ يتقلي، بس المشكلة أنه بـ يوصلك عبارة عن عجين مقرمش وجواه قطعة دجاج صغيرة جدًا. طعمها مش بطال بس كانت صعبة شوية على السنان واحنا بـ نقطمها.

طبق دجاج الهاكا والنودلز (17 جنيه)  كان في رأينا من أحسن الأكلات في المحل، النودلز كان فيها مهرجان ألوان علشان مليانة فلفل أحمر وأخضر وجزر وبصل، والدجاج كان مسكر ولذيذ وساخنة مولعة، والدجاج بصوص الصويا (22 جنيه) عجبنا قوي  بس الأرز مع الكومبو ده كان ناشف شوية ومش طازة قوي. هو الأكل عمومًا كان ممكن يبقى أحلى لو لسة بـ يتطبخ قدامك أو مش متحضر من بدري ومحطوط في العرض من أول اليوم.

مستوى الأكل ممكن يختلف على حسب الحاجة اللي بـ تطلبها، والناس اللي غاويين أو مدمنين أكل صيني ممكن ما يحبوش “باندا هاوس” بس في النهاية هو اختيار ظريف لو عايز أكلة سريعة وخدمة أسرع والنودلز تستاهل التجربة.

نصيحة 360

الأكل سريع بس أنك تلاقي مكان للجلوس في الفوود كورت أوقات الذروة ده ممكن يأخذ شوية وقت. 

أحسن حاجة

الأوردر بـ يأخذ 5 دقائق.

أسوأ حاجة

الأكل مش فريش كما يجب.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح