The Definitive Guide to Living in the Capital , Cairo , Egypt

برونتو

برونتو: تيك آواي وخدمة توصيل في زهراء المعادي

تم التقييم بواسطة
Waleed Abuarab
قيم
قيم الآن
برونتو: تيك آواي وخدمة توصيل في زهراء المعادي
“برونتو” يعني “بسرعة” باللغة الإيطالية، الكلمة دي مستخدمة على محلات كثير في مصر مع اختلاف نوع السلع أو الخدمات اللي بـ تقدمها. والمرة دي كان مطعم أكلات سريعة وفطائر وبيتزا، مافيهوش مكان للجلوس، كله تيك آواي أو توصيل. ونقدر نقول أن المقال ده متخصص شوية لأن المطعم اللي بـ نتكلم عنه موجود في مجمع “بيتشو أمريكان” السكني في منطقة زهراء المعادي وهو من أهم أماكن توصيل الطعام في المنطقة المحيطة الهادئة جدًا، وقليلة المحلات جدًا جدًا، وبـ يعتمد عليه السكان هناك في الأوقات المتأخرة لأنه شغال 24 ساعة، وكمان لأنه بـ يعمل كل أصناف المأكولات والوحيد من نوعه في الحي هادئ. وبـ نقول أن المقال متخصص لأنك مش هـ تعدي على «برونتو» أو تتصل به إلا لو كنت عايش هناك أو رايح لحد من أصدقائك في المربع ده لأن مافيش حاجة ثانية تتعمل هنا غير السكن والزيارات العائلية.

المطعم صغير وتصميمه زي أي محل بيتزا أو فطاطري ممكن تشوفه، لكن الجديد هنا أنه بـ يعمل وجبات دجاج روستو وكباب حلة وبانيه وسمك فيليه مع الأرز بالخلطة والخضروات، بجانب الباستا والنجرسكو وأشكال مختلفة من المعجنات، وهـ تلاقي كل أنواع السلاطات والمقبلات والبيتزا الشرقي والإيطالي والفطائر الحلوة والحادقة وكريب وساندويتشات.

جربنا خدمة التوصيل واتصلنا عملنا طلب لما كنا في بيت قريب من المجمع السكني اللي قولنا عليه وحسبنا الوقت اللي هـ يوصل لنا فيه وكان تقريبًا 45 دقيقة. بس ده لأن الطلب كان عبارة عن وجبة رول دجاج مخلي ومحشي (33 جنيه) مع الأرز بكبدة الدجاج، وفطيرة شرقي باللحوم حجم كبير (39 جنيه) وإسباجيتي بالجبنة الرومي (6 جنيه) وكريب بالشوكولاتة (13 جنيه) والمكسرات لزوم التحلية، طلب كبير وفيه شغل؛ فـ توقعنا بعض التأخير.
الصنعة وشطارة الشيف ظاهرة في كل الأكلات، رول الدجاج أكلة مش سهلة ومع ذلك طلعت تحفة وبهاراتها تمام ومخدومة كويس قوي، والأرز بالخلطة كان لذيذ وكثير. الفطائر والمكرونات هي لعبة «برونتو» وما تفاجئناش لما لقيناها حلوة وغنية بالحشو والجبن السايح والمذاق الأصلي للفطيرة الشرقي. والسلاطات (الطماطم والطحينة) معقولة بس مش بجودة الأكلات الرئيسية. طبعًا فيه حجمين للبيتزا أو الفطير والمكرونات والساندويتشات، واللي تأكدنا منه في تجربتنا دي أن الشيف شاطر جدًا في كل المأكولات الحادقة والأطباق الرئيسية، لكن المأساة كانت في كريب النوتيلا بالمكسرات والموز اللي طلبناه وما قدرناش نأكل منه قضمتين. عجين سميك ومش مستوي خلانا مش قادرين نمضغ ولا فتفوتة، وتخلصنا منه كله رغم كل الشوكولاتة والمكسرات اللذيذة اللي عليه.
«برونتو» حل سهل وسريع لما تتزنق في عزومة أو لما البيت يكون مافيهوش أكل أو الأكل اللي فيه مش على مزاجك، اتصل أو عدي عليهم لو كنت قريب وهـ تلاقي هنا كل ما لذ وطاب وبأسعار هينة ما تبوظش ميزانية الشهر. أكيد كل منطقة فيها واحد زي «برونتو»، هـ نحاول نعدي على كل حي ونكتشف لكم «برونتو» الخاص بها.

نصيحة 360

البيتزا هي أحلى وأسرع حاجة بـ يعملوها.

أحسن حاجة

كل الأكلات البيتية والـ Junk Food في مكان واحد بأسعار كويسة وخدمة سريعة.

أسوأ حاجة

الكريب.. الكريب.. الكريب.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح