The Definitive Guide to Living in the Capital , Cairo , Egypt

بنيسيمو – Benissimo

بنيسيمو: مطعم إيطالى جيد افتتاحه قريبًا فى الزمالك

تم التقييم بواسطة
Angie El Batrawy
قيم
قيم الآن
بنيسيمو: مطعم إيطالى جيد افتتاحه قريبًا فى الزمالك

«بنيسيمو – Benissimo»
مطعم فى الزمالك جنب كافيه «كافيتشو» و«هارديز» لسه فى الـ Soft opening ما بقالوش كام
يوم بـ يقدم أكل إيطالى وهـ يفتحوا على أول الشهر القادم رسميًا، المكان صغير يا
دوب فيه كام ترابيزة وكرسي عاليين وعلى الجنب الثاني طولهم عادي، الكاشير فى
الواجهة أول ما تدخل، والولد بتاع الكاشير هو نفسه اللى بـ يأخذ طلباتنا، وجنبه
فيه حاجز بـ يخبي المدخل للمطبخ.

أول ما قعدنا وطلبنا (بعد ما
استشارنا الولد اللى معانا فى محتويات بعض الأطباق وكان متعاون جدًا) قدموا لنا
طبق تحية (مجاملة) من المطعم فيه 4 قطع فواتح شهية اسمها “بروسكيتا” وهى
عبارة عن عيش توست محمص عليه قطع صغيرة طماطم وزيتون عليها جبنة مبشورة من فوق،
كان طعمها حلو بس للأسف المكونات وقعت علينا لأن الجبنة مش محطوطة بشكل كافى ومش
سايحة علشان على الأقل تمسك المكونات اللى فوق العيش مع بعضها.

المنيو عبارة عن ورقة كبيرة A3 مقواة فيها باستا وبيتزا وشوربات
ونوعين سلاطة وكام طبق رئيسي داخل فيهم باستا ولاحظنا كلهم معاهم لحم مافيش أطباق
فيها فراخ، ومافيش تحلية فى المنيو، طلبنا شوربة طماطم (14 جنيه) وسألناهم هل ممكن
تتعمل بالكريمة، الحقيقة أننا طلبنا حاجات مخصوصة نضيفها على الأطباق ما كانتش
موجودة وهما كانوا متعاونين جدًا، كمان أخذنا بنيسمو ستيك فيليه (48 جنيه) بصوص
الريكفورد ومعاها باستا بالصوص الأبيض، وبيتزا بالببيرونى (28 جنيه).

توقيت تحضير الأكل ما كانش طويل
قوي، كان لنا ملاحظة صغيرة بس أن تجهيز الترابيزة محتاج شغل شوية لأن أبسط حاجة ما
كانش عليها مناديل! بس باقى الـ Cover
كان متاح وهـ تلاقى الخدمة مسمينها فى الإيصال الأخير لما حاسبنا Handling (9 جنيه)، وفيه كمان ضريبة (9
جنيه).

البيتزا بدون كلام رائعة، حجمها
كبير مش الحجم العادي اللى بـ يكون فى أى مكان، المكونات فريش والجبنة سايحة
والببيرونى كان طعمه حلو قوي، امتياز.. وعلى الرغم من أن الكمية كانت كبيرة تأكل
فردين إلا أننا اتطافسنا وأكلناها كلها لوحدنا!

الستيك فيليه بالباستا والصوص
الأبيض كانت حلوة برضه، صوص الريكفورد كان جامد جدًا وغنى بالطعم وكمان الستيك كان
معمول Well done زي ما طلبنا. كمان شوربة الطماطم
كانت حلوة وقوامها معقول وإضافة الكريمة عليها بجد عمل “إضافة” بس
الكمية كانت كبيرة قوي ما كملناهاش علشان نقدر نأكل الأكل الباقى. 

«بنيسيمو» موجود فى شارع المنصور
محمد، بس استغربنا جدًا لما جاء لنا الـ Receipt فى الآخر كاتبين العنوان فى شارع إسماعيل محمد!
المكان لطيف ومريح للأعصاب خاصة أنك قاعد باصص على الشارع من خلال الواجهة الزجاج
الكبيرة، والولد اللى معانا كان مهتم بنا وبرأينا فى الأكل وسمع تعليقاتنا، لو لك
فى الأكل الإيطالى وحابب تروح مكان لطيف وأسعاره معقولة والخدمة كويسة روح هناك
وشجعهم كمان قبل الافتتاح الرسمي.

نصيحة 360

لحد ما يفتحوا رسمي، «بنيسيمو» لسه مش عندهم رقم تليفون أرضي، وكمان هـ يطبعوا منيو ورق علشان كمان خدمة التوصيل.

أحسن حاجة

الأكل حلو وسعره معقول، والاهتمام بالخدمة.

أسوأ حاجة

فين المناديل؟! خاصة أن مافيش حمام فى المكان نغسل إيدينا.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح