The Definitive Guide to Living in the Capital , Cairo , Egypt

من أقرب الفروع لقلبنا هو بول فرع التجمع لأنه بيطل على النافورة في الداون تاون وده شيء مريح بالنسبة لنا غير أن الفرع كبير، لإنه مكون من دورين جوه المطعم ومكان واسع قدام النافورة.

ما بين أصناف المقبلات والشوربة بتاعة اليوم والسلاطات لاقينا سلطة صحية كانت مغرية جدًا بالنسبة لنا وسط أنواع تانية تنفع لأي حد عاوز يعمل رجيم، لكن اختارنا سلاد برميير بـ 99 جنيه وشربنا كابتشينو بـ 32 جنيه، وموخيتو بالنعناع والليمون والباشون فروت بـ 49 جنيه.

قبل السلطة نزل لنا عيش توست فرنسي يجنن مع زيتون وزبدة، والخل البلسمك وزيت الزيتون، وده كفيل أنه يشبعك من قبل ما تاكل أي حاجة، أما السلاطة فنزل طبق كبير مليان خس وجبنة براميزان وعين جمل وتفاح وزبيب وجزر مع قطع دجاج مشوية مع صوص الهوني ماسترد وطعمها فعلًا كان يجنن، وينفع لو حد بيحاول ياكل أكل صحي، لأنها خفيفة جدًا وممكن تشيل منها بسهولة الفراخ والزبيب لو عاوز تقلل من عدد السعرات الحرارية أو أنت نباتي، قرمشة التفاح والخس مع طعم الدجاج والجبنة هيدخلك جنة من المذاقات المتنوعة هتخليك تستمتع بكل قطمة حرفيًا.

أما الموخيتو فالسيرم ما كنش على مستوى توقعنا لكنه كان جيد مع السفن أب وليمونة ونعناع بس كنا نتمنى أنه الطعم كان يبقى طازة أكتر من كده.

أما القهوة فكانت أكتر حاجة استمتعنا بيها، وكانت معاها كيك صغيرة، وطعم البن فيها يجنن.