The Definitive Guide to Living in the Capital , Cairo , Egypt

مطاعم
بيدو

بيدو: برجر مميز وسندوتشات كبدة معقولة في مصر الجديدة

  • شارع كمال الشافعى متفرع من شارع عمر ابن الخطاب، ميدان الإسماعيلية، مصر الجديدة
  • شرقي
  • من الخامسة عصرًا للثانية صباحًا -
تم التقييم بواسطة
Mohamed Hazem
قيم
قيم الآن
بيدو: برجر مميز وسندوتشات كبدة معقولة في مصر الجديدة

لما سمعنا عن مكان اسمه بيدو، بيقدم أكل مميز في مصر الجديدة قررنا نتوجه فورًا لهناك، المحل صغير جدًا لكن بيعمل سندوتشات شرقي وغربي مميزة جدًا ، ومشهور أكتر بالبرجر.

المكان موجود في ميدان الإسماعيلية في مصر الجديدة، وصلنا ولاقينا مكان صغير تنبعث منه روائح جميلة جدًا وأصوات التحمير اللي بمثابة موسيقى لعاشقي الأكل وعشاقه.

المنيو كبير وفيه أصناف كتيرة ولكن إحنا حبينا نجرب الحاجات اللي سمعنا أنها مميزة ومانجازفش، طلبنا واحد كبدة باللية وسط (13 جنيه) وواحد سجق ضاني وسط مع إضافة جبنة (15 جنيه) وأخيرًا واحد Amous Burger  (33 جنيه).

المتعة الحقيقية وأنت بتتفرج على سندوتشاتك وهي بتتعمل، السندوتشات ماخدتش وقت خالص، بدأنا بالكبدة باللية وكانت بداية مش على المستوى المتوقع، اللية قليلة جدًا ما تحسش بيها، ده غير أن الكبدة نفسها قليلة على الرغم من أنها ماكانتش سيئة لكن كانت قليلة وطعم العيش كان هو الطاغي في الساندوتش ككل.

ندخل على السجق الضاني وده كان حلو، كمية السجق كفاية وطعم السجق نفسه مميز، وإضافة الجبنة أضافت كتير للطعم.

المفاجأة الكبيرة كانت البرجر، الساندوتش اللي طلبناه قطعة البرجر كان عليها جبنة وبصل ومشروم وبيف بيكون (لحم مقدد)، قطعة البرجر نفسها كانت أكتر حاجة مميزة وحلوة، القطعة كبيرة وسميكة، مستوية كويس لكن محتفظة بالعصارة اللي جواها والإضافات اللي عليها كمياتها كويسة، المميز كان في حجم الساندوتش وجودة مكوناته مقارنة بسعره واللي يعتبر كويس جدًا مقارنة بأسعار البرجر في الوقت الحالي.

مكان ظريف، يمكن مش بالقوة اللي الناس بتحكي عنها، لكن هو عجبنا، وبالأخص البرجر، الكاشير والناس اللي بتشتغل مابيبتسموش، بس هو التعامل معاهم قليل، تاخد منهم الساندوتشات وتطلع تاكلها في الشارع أو في عربيتك، بالتالي مافيش احتكاك، كنا متحمسين نجرب سندوتشات تانية زى (فيليه ستيك) لكن ماكانش في مكان، المرة اللي جاية لو رحنا هيكون ده اختيارنا الأول.

نصيحة 360

يستحسن يكون معاكم عربية علشان مافيش قعدة هناك، فيه كرسيين بس قدام المحل.

أحسن حاجة

البرجر.

أسوأ حاجة

الكبدة، مش سيئة بس كانت أقلهم.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح