The Definitive Guide to Living in the Capital , Cairo , Egypt

شهرته سببها سيرك بيكاديللى لندن الساحر فى وسط منطقة الترفيه الخاصة بالمدينة. وفى نفس الوقت مجمع أواسيز بـ يستضيف عدد كبير من المطاعم والكافيهات، ودلوقت بـ يقدم “بيكاديللى ستيشن -Piccadilly Station” على طريقته الخاصة؛ كافيه ومطعم له شخصيتها المميزة.

المكان مقسم إلى دورين، عليهم تمثالين لفردين حراسة بالزى الملكى بـ يرحبوا بك على المدخل وعلى طول عينك هـ تروح على كشك التليفون الأحمر الكبير، إشارات المرور المبتكرة وفن لندن المجسد على الحوائط. السلالم مزينة بـ جملة ‘mind the gap’ اللى بـ تستخدم فى محطات القطار، بـ تمثل رصيف المحطة، وزيادة على كده، كل حاجة عليها شعار محطة قطار بيكاديللى حتى أكياس السكر، المناديل وأغلفة الشاليموهات.

“بيكاديللى ستيشين” بـ يقول أنه بـ يقدم تجربة أكل بريطانية راقية ما تتنسيش لكل سكان القاهرة الجعانين. المنيو متنوعة وبـ تقدم كل حاجة بداية من السلاطات، والساندويتشات، والبيتزا والمكرونة لغاية البيض الأومليت، والفراخ المشوية والستيك. منيو المشروبات برضه فيها نفس التنوع، ما بين الميلك شيك، والسموزى، ومشروبات الآيس كريم، ومشروبات ساخنة والصودا.

قبل ما نبدأ نطلب، قدموا لنا كوب صغير من الجوافة الطازجة اللذيذة مع البطيخ والرمان؛ مزيج الفواكة ده كان ممتاز وخلانا نتوقع أن اللى بعده هـ يبقى حلو. طلبنا عصير برتقال فريش (22.99جنيه) وCan بيبسى ساقع (11.99جنيه).

يلا بنا نبدأ؟ مقبلات بيكاديللى (43.99جنيه) عبارة عن كوكتيل من الموتزاريلا المقلية، وفراخ مقرمشة وناتشو كلاسيكية، الحقيقة اختيار كلنا ندمنا عليه. كمية الناتشو القليلة كانت صحيح مقرمشة، بس فيها طبقة جبنة بالكاد سائحة، مطاطية ومبشورة، أما الموتزاريلا المقلية فكانت مزيتة على الآخر، والفراخ لا كانت مستوية ولا مقرمشة زى ما توقعنا.

بالنسبة للأطباق الرئيسية طلبنا دوبل تشيز برجر (43.99جنيه) و”هوبو تشيكن” (58.99جنيه)اللى كانت موصوفة أنها عبارة عن فراخ مشوية مع صوص أبيض ومجموعة مختلفة من الجبن. البرجر كان عملاق مكون من دورين وبـ يكمله سلاطة خفيفة وبطاطس مقلية كويس.للأسف، كان فيه إجماع أن عيش البرجر المتفحم كان سيء. الفراخ المشوية كمان كانت محبطة، عليها نفس طبقة الجبن المطاطى الموجودة فى الناتشو. طبق البطاطس المهروسة كان ناقصه ملح والخضار مش بس كان ناشف، ده كان عليه توابل شديدة النكهة. البطاطس المهروسة والفراخ كانوا منقوعين فى صوص حادق؛ تفتكر بيكاديللى بـ يحاول يحارب الصوص الأبيض؟

كنا متخيلين أن تجربة بريطانية أكيد هـ يبقى فيها مزيكا إنجليزية، بس السهرة كانت عبارة عن مغنى عربى، غناءه المستمر فضل يرن فى أذننا. علشان نبقى منصفين، المغنى كان صوته حلو؛ المشكلة كانت الصوت العالى اللى خلانا بصعوبة نسمع بعض.

الطفل اللى جوانا فضل يلح علينا نطلب مالتيزرز سماش المسكرة بزيادة (32.99جنيه)، آيس كريم فانيليا مع كمية من المالتيزرز المكسرة وإضافة مسكرة بزيادة من صوص الشوكولاتة.

بيكاديللى ستيشن عنده إمكانيات توصله لمكانه كويسة. تجربتنا أكيد ما تتنسيش، بس مش خارقة للعادة يعنى. رغم كده، ممكن نرجع علشان الشيشة والعصائر الفريش.