The Definitive Guide to Living in the Capital , Cairo , Egypt

قررنا كمان نعطى الأندلسية (17.50 جنيه) فرصة؛ عبارة عن طبق غويط صغير من كبد الفراخ اللذيذة فى صوص الكريز، مع طماطم وفلفل أخضر مطبوخين. الفراخ كانت طرية والصوص سكره مضبوط ومش بـ يطغى على الطعم، ده فعلاً كان طبقنا المفضل. التاباس بـ تُقدم مع عيش محمص مجانى، ممتاز للتغميس فى طبق الأندلسية.

الفراخ بالزعفران ما كانش مبهر هو كمان؛ طعمه كان عديم النكهة وسبب لنا إحباط شديد. الطبق كان المفروض مكون من فراخ فى صوص كريمة مع الثوم، وبازلاء، وروز مارى وزعفران. قُدم معاه أرز أبيض وخضار سوتيه، وكان علشان نقول الحق، ممتاز بس مش كافى أنه ينقذ الفراخ.
أخيرًا، طلبنا للتحلية شوروس وشوكليت كيك (17.50 للقطعة). ست قطع شوروس معاهم صوص شوكولاتة ساخن مع سخان من أسفل لضمان أن الصوص يفضل سايح ودافئ. الشوروس كانت مقرمشة من الخارج وطرية من الداخل، لكن فى رأينا أن الشوكولاتة كان سكرها زيادة شوية.
بالنسبة للشوكليت كيك كانت طرية، وكبيرة وعليها صوص شوكولاتة دافئ وسكره معقول، وكمان طعمها معقول، بس مش هى الكيكة الجامدة اللى بـ نفكر فيها.
بالرغم من ضعف مستوى الأكل، بيكاسو بـ يقدم أطباق ظريفة بأسعار معقولة. الموظفين كانوا ودودين جدًا وكمان بـ يتميزوا بالسرعة، وكمية الأكل الكبيرة هـ تسيب إحساس بالامتلاء بعد الأكل. دفعنا 208 جنيه والملاحظ أن مع شوية تعديلات فى مستوى الأكل ممكن يخلى التجربة تستاهل.