The Definitive Guide to Living in the Capital , Cairo , Egypt

مطاعم
بيكولو – Piccolo

بيكّولو: مطعم إيطالى كويس، إن لم يكن ضعيف، فى المعادى

  • 17 شارع 269
  • 7:30 صباحًا - 12:30 صباحًا -
تم التقييم بواسطة
Gaser El Safty
قيم
قيم الآن
بيكّولو: مطعم إيطالى كويس، إن لم يكن ضعيف، فى المعادى

القاهرة من الأماكن صعبة الاستكشاف، خصوصًا لما تفكر تبحث عن مكان فى منطقة جديدة عليك. من وقت للثانى، هـ تشوف منيو عابر أو يافطة عمرك ما شوفتها قبل كده، ويكون رد فعلك واحد من أثنين: تتشد لها، أو تفصلك تماماً.

مثال على كلامنا، قابلنا يافطة مضاءة مكتوب عليها “بيكّولو – Piccolo”. من خلال زجاج المطعم، شوفنا ديكورات أنيقة من كراسى مبطنة ونباتات مع كشافات إضاءة عند المدخل. رحب بنا الجرسون عند الباب الزجاجى ووصلنا لترابيزة فاضية، سلمنا المنيوهات وبعدها تركنا. بعد استكشافنا للمنيو، كان ملاحظ أن الأطباق الإيطالى تطغى عليها.

لما نرجع للتاريخ، هـ نشوف أن أماكن كثيرة قالت على نفسها مطاعم إيطالي، والحقيقة أنهم بعيد تمامًا عن أى حاجة لها علاقة بإيطاليا؛ مش بالضرورة يكون مطعم فخم لتقديم مكرونة كويسة، لكن المشكلة أن الأكل الإيطالى فى بلدنا، مضروب.

المنيو فيه سلاطات، ساندويتشات، بيتزا، مكرونات، عدد بسيط من الأطباق الرئيسية وحلويات. بدأنا بسلطة بولو (22,50 جنيه) ومنه طلعنا على بيتزا بيكّولو (42,50 جنيه) ووجبة بيكّولو رقم 1 (45 جنيه) من بين الأطباق الرئيسية.

سلطة البولو كانت عبارة عن فراخ مشوية، جرجير، خيار وطماطم مع دريسينج خل بلسمى؛ رغم أن تتبيلة ونكهة الفراخ كانت مقبولة، لكن نكهة الدريسينج للأسف كانت طاغية على باقى الطعم، وأضافت لذعة زيادة مش مطلوبة للجرجير.

البيكّولو بيتزا، اللى عليها سالامى، فراخ، رومى وسوسيس مع خضروات، زيتون، جبن وصوص ريحان، كانت مختلفة عن البيتزا بمفهومها التقليدى. العجينة كانت سميكة جدًا، أما الصلصة فكانت قليلة بشكل مش طبيعى، والجبن هو مصدر معظم نكهة الأكل. استخدامهم للبردقوش كان حاجة مميزة، لكن الموضوع كان أقرب لساندويتش رومى بالجبن عنه كبيتزا.

وجبة بيكّولو 1 تكونت من صدور فراخ مشوية ومكرونة. اخترنا مكرونة نابولى، وهى عبارة عن سباجيتى بالصلصة، ريحان وبردقوش. من ثانى، تتبيلة وطعم صدور الفراخ كانوا مضبوطين، لكن الطعم كان معدوم شوية. على الناحية الثانية، المكرونة كانت أجمد مما توقعنا، بغض النظر عن الزيت الزائد. استخدام البردقوش بجد بـ يضيف لقوة الصلصة، واستخدام المطعم للريحان والبردقوش بـ يشمل كثير من أصناف المنيو.

رغم أن الأكل، وخصوصًا البيتزا، محتاج لمراجعة، المكان نفسه نظيف، الجرسونات منتبهين والأسعار معقولة جدًا.

نصيحة 360

بيكّولو بـ يوصل؛ كلمهم على 01016888552.

أحسن حاجة

صلصة الطماطم فى المكرونة هائلة.

أسوأ حاجة

تزييت رهيب – أطباق البيتزا غويطة جدًا.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح