The Definitive Guide to Living in the Capital , Cairo , Egypt

تشوب تشوب – Chop Chop

تشوب تشوب: مطعم آسيوي جديد في الجيزة

تم التقييم بواسطة
Steve Noriega
قيم
قيم الآن
تشوب تشوب: مطعم آسيوي جديد في الجيزة

على
نفس الناصية في شارع ابن كثير في الجيزة فتح مطعمين جداد في الدور الأرضي من برج
قناة السويس، «آشاز – Asha’s» و«تشوب
تشوب  – Chop Chop» اللي هـ نتكلم عنه النهارده. وإحنا بـ نتمشى في الممر اللي بعد
مدخل البرج، بـ تقابلنا مضيفة رقيقة وتعطي لنا الـ 2 منيو للمحلين، ولما تحدد
وجهتك هي بـ تختار لك مكان للجلوس. ديكور «تشوب تشوب» أنيق ومش شبه أي حاجة ثانية
وعجبنا الدقة المتناهية في الأذواق والستايل.

ما
قدرناش نقاوم نطلب طبق الـ “ديم صم” الصيني (110 جنيه) اللي هـ نبدأ به
وجبتنا، الطبق بـ يكفي فردين وفيه 4 أصناف من المشهيات من المعجنات الصينية
المطهوة بالبخار والمحشوة باللحم والجمبري. الـ “شو ماي” الناعم الغني
بالطعم كان اختيارنا المفضل في الطبق ده. وفي وسط الطبق الخشبي التقليدي لتقديم
الأكل الصيني كان فيه قطعة عيش مدخنة وعليها شرائح البط. الخليط كان هائل في الطبق
ده بين الحلو والحادق.

من
منيو الأطباق الرئيسية طلبنا طبق “ناسي جورينج” وده الطبق الأشهر في
المطبخ الأندونيسي وهو في نفس الوقت أرخص طبق رئيسي في المنيو وكان بـ 67 جنيه.
الطبق بـ يتكون من كمية كبيرة من الأرز البنى المحمر وعليه بيضة مقلية ومعاه أسياخ
فيها قطع دجاج الساتاي وقطعتين جناح دجاج ووحدتين جمبري كبير. الطبق كان شكله حلو
قوي وفيه تنوع و”تناقض” زي ما إحنا شايفين! وخصوصًا مع منظر البيضة
المقلية المضحك على رأس الطبق، لكن ده ما يمنعش أنها أضافت طعم لذيذ للأرز اللي
كان متبهر كويس بدوره. وأخذنا شوية وقت علشان نطلع الدجاج من السيخ وأجنحة الدجاج
كانت مستوية كويس وكانت –وده المدهش– سهلة في الأكل ومش بـ تعمل زروطة لكن كانت
محتاجة شوية ملح وفلفل.

طبق
المحار والسي فوود اللي بـ 130 جنيه توقعنا أن كميته تكون مش طبيعية، لكن جاء لنا
بعض وحدات من الجمبري الكبير والكاليماري والسمك الفيليه المخلوط بالبصل الأخضر
والزنجبيل والكرات. مش بـ يقدم معاه أرز أو نودلز وده بـ يتباع لوحده بـ 30 لـ 60
جنيه بمذاقات مختلفة. وعلشان كده الطبق ده مش مشبع لوحده، لكن الحقيقة كل صنف في
الطبق كان لذيذ جدًا وبالذات الكاليماري اللي كان لحسن الحظ مش بـ يشد زي الأستيك
زي ما بـ يتعمل في أماكن كثير.

من
منيو الحلويات طلبنا فوندو الشوكولاتة (30 جنيه) بـ يقدم في طبق عميق مليان شوكولاتة
وأربع عيدان فوندو وطبق صغير من الفواكة فيه مانجو وكيوي وبطيخ وموز. لما وصل لنا
كانت الشوكولاتة بردت وأخذت قوام سميك قوي، فحطيناها فورًا على الطبق الساخن اللي
تحت الشمعة اللي أمامنا على الترابيزة وهو المخصص لكده (لحفظ حرارة الأكل) وأول ما
الشوكولاتة ساحت غمسنا فيها الفواكة الطازجة لكن كان نفسنا الموز يبقى أكثر
والكيوي يبقى أقل.

منيو
«تشوب تشوب» كبير بما فيه الكفاية وزيارة واحدة أكيد لا تكفي، ولازم تيجي أكثر من
مرة علشان تكتشف المزيد من المطبخ الآسيوي، السوشي ومأكولات بنكهة الكاري والديم
صم وغيره. الأسعار أعلى من المعتاد لكن التجربة كلها كانت جميلة، ولما تبدأ تقيم
كل حاجة على حدة هـ تلاقي «تشوب تشوب» يستاهل كل جنيه بـ تدفعه هناك، لو مش علشان
المأكولات المبتكرة يبقى علشان الجو الهادئ والديكور الشيك والمناخ المرحب.

نصيحة 360

اسأل على الكوكتيلات المبتكرة في «آشاز» المجاور له.

أحسن حاجة

المنيو بـ يقدم أنواع كثيرة من الأكلات الآسيوية مش موجودة في أي حتة.

أسوأ حاجة

الديم صم والسوشي أغلى بكثير منهم في أماكن ثانية!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح