The Definitive Guide to Living in the Capital , Cairo , Egypt

مطاعم
فرايدايز – T.G.I. Fridays

تي جي أي فرايدايز: مشروبات لذيذة وأكل مقبول في سيتي ستارز

  • الدور الأرضي، المرحلة الثانية
  • عالمي
  • 12 ظهرًا: منتصف الليل -
تم التقييم بواسطة
Nagla Ashraf
قيم
قيم الآن
تي جي أي فرايدايز: مشروبات لذيذة وأكل مقبول في سيتي ستارز

من فترة للثانية بـ نحب نرجع للأماكن اللى زورناها قبل كده، وكانت عزيزة على قلبنا، ومن الأماكن دي تي جي أي فرايدايز – T.G.I. Friday's واللي نقل في سيتي ستارز من الدور الرابع للدور الأرضي.

طبعًا إحنا مش محتاجين نتكلم عن المنيو اللي متنوع كثير ما بين المشروبات اللي مغرية جدًا أو منيو الأكل اللي اتزود له أكثر من حاجة مؤخرًا، وده شىء أسعدنا، لكن للأسف فيه بعض الأخطاء خيبت أملنا للغاية.

طلبنا كمقبلات موتزاريلا ستيكس بـ 37 جنبه ومن الأطباق الرئيسية Chop House fillet بـ 132 جنيه، ومكرونة ألفريدو بـ 45 جنيه الحجم الصغير، طبعًا من منيو المشروبات الحجم الكبير منBerry Mojito  بـ 44 جنيه وسموزي توت الحجم الصغير بـ 36 جنيه.

أول حاجة قدمت لنا كانت العصائر واللي كانت حلوة جدًا ومضبوطة بالرغم أن سعرها يعتبر غالي، للأسف كمان المقبلات جاءت لنا متأخرة جدًا قبل ما نخلص أكل بحاجة بسيطة، وده شيء طبعًا غير مقبول، لكن كان طعمها حلو جدًا والجبنة كانت سخنة وسايحة ولذيذة.

أما بالنسبة لطبقنا الرئيسي Chop house Fillet فبرغم أنه قُدم بطريقة كويسة مع بطاطس مهروسة بالجبنة الشيدر (كان أحلى حاجة في الطبق) وخضار سوتيه، والجرسون طلب مننا قبل ما يمشي نتأكد أنها مش حمراء من جوه، إلا أن طعم الستيك للأسف كان مستوى زيادة عن اللزوم بالرغم من أن صوص البصل اللي فوقه كان طعمه تحفة، كمان كان مضاف على السوتيه ثوم، وده اكتشفناه بالطريقة الصعبة مش السهلة إطلاقًا، ولما اعترضنا للجرسون طلب يبدله بواحد ثاني بس للأسف كان مستوي أقل من اللزوم، ما عرفناش نقوله إيه الحقيقة.. فسكتنا.

أما مكرونة ألفريدو كانت كويسة وخفيفة، ما نقدرش نقول عليها حاجة، بس خاب أملنا من التأخير في الطلبات والأخطاء اللي ممكن أغلب الناس تشوفها بسيطة، بس بالنسبة لأسعار المكان وسمعته دي مش أخطاء بسيطة خالص.

نتمنى أنهم يصلحوا الأخطاء دي بسرعة، وهم فعلًا عندهم اهتمام براحة الزبائن وجودة الطلبات، يا ريت يعتبروا نقلهم للدور الأرضي في سيتي ستارز بداية جديدة لسلسلة المطاعم المشهورة بجودتها.

نصيحة 360

المطعم نقل مكانه من الدور الرابع للدور الأرضي.

أحسن حاجة

المشروبات.

أسوأ حاجة

الثوم في السوتيه والتأخير.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح