The Definitive Guide to Living in the Capital , Cairo , Egypt

جابيز – Gaby’s

جابيز: مطعم راقي دلوقت فى سيتى ستارز

  • سيتي ستارز، المرحلة الثانية، الدور الأرضي
  • عالمي
  • 01008542900
  • 10 صباحًا لمنتصف الليل
تم التقييم بواسطة
Nermin Habib
قيم
قيم الآن
جابيز: مطعم راقي دلوقت فى سيتى ستارز

المطاعم الجديدة فى مولات القاهرة تخطوا بكثير فكرة الأكلات السريعة التقليدية. “جابيز – Gaby’s” بتصميمه الأنيق المعاصر بـ يستهدف الطبقة الراقية، من خلال مكانه فى الدور الأرضى من المرحلة الثانية بسيتى ستارز.

المطعم مقسم لدورين، الأعمدة البيضاء الأنيقة فى الدور الأول بـ تضفى إحساس بالفخامة، ونفس الكلام بالنسبة للحوائط المزينة بالخشب، ومعلق عليها مصابيح شفافة تغطى شجيرات ألوانها لطيفة. كلٍ من الكراسى القماشية الأنيقة والكراسى بذراعين والكنب بشكلهم العتيق أضافوا لجابيز لمسة شيك، أما الجو العام للمكان فكان مريح باستخدامهم للإضاءة الهادئة مع الموسيقى المتنوعة. الدور الثانى –ممنوع التدخين– مستوحى من مقاطعة Meatpacking فى نيويورك، بحوائط من قوالب الطوب ولوحات مبتكرة.

فى طريقنا لترابيزتنا، الجرسون ساعدنا بشكل مهذب وفورًا كان معانا المنيوهات وسلة عيش مجانًا مليانة أصابع الخبز بالجبنة، قرص صغيرة، شرائح من خبز الشوفان ووعاء صغير فيه صوص جابيز الرائع من زبدة الثوم.

صحيح المنيوهات صغيرة شوية، لكن التنوع الموجود فيها فى الحقيقة كان كبير. جابيز مخصص أقسام للإفطار، الشوربة والسلاطات، والمقبلات، والساندويتشات، والأطباق الرئيسية، والكوكتيلات والعصائر، والحلويات وحتى منيو أطفال لذيذة.

بعد ما قرأنا الوصف المميز للأطباق، قررنا نطلب طبق كريسبى بونبونز (45 جنيه)، المكون من طبقة رقيقة من البطاطس المهروسة المغلِفة لمزيج من الجبن الشيدر والسبانخ، وكل ده مقلى للون البنى اللامع. يقدم كمان معاه صوص جابى “المخصوص”، والبون بون كان مشوى على أسياخ لسهولة الأكل. رغم أن طعم البطاطس كان غير واضح، المزج بين الجبن الشيدر القديمة والسبانخ كان لذيذ ومتجانس مع بعض. صوص جابيز المخصوص كمان كان رائع، بطعمه الشبيه بصوص 1000 island، ويمكن كمان كان أفضل من ناحية القوام والطعم عن الصوص المباع فى المحلات.

بعد طبق المقبلات الممتع، طلبنا ساوثرن تشيكن ساندويتش (60 جنيه) وشنيتزل (115 جنيه).  ساندويتش الفراخ كان عبارة عن خبز بريوش طازج، شريحة بيكون رقيقة، جرجير، طماطم، جبن إمينتال، وصوص جابيز المخصوص. قُدم معاه كمان حفنة من البطاطس المحمرة المقرمشة مغطاة بالملح والتوابل. يمكن الساندويتش مش مميز للدرجة، لكن الفراخ كانت مشوية كويس والجرجير كان طازج ولذيذ.

الشنيتزل بكميته الكبيرة وصل فى طبق طويل، ومعاه أرز ريزوتو دسم وفوقه قطع صغيرة من البقدونس الطازج. صوص المشروم الغنى أضيف عليه فلفل حلو مشوى، أما العلامة المميزة للطبق فكانت سكالوب اللحم البتلو الطرى وتتبيلته الخفيفة. على الرغم من طعم صوص المشروم المملح بزيادة، الريزوتو كان روعة من كل النواحى واللحم كان صحى جدًا بنفس جودة أكل البيت.

بالنسبة للحلو، قررنا نجرب ميلفيه جابيز الخفيف، المتوسط بدون أى شك (35 جنيه) عبارة عن شرائح رفيعة من المعجنات  بطبقة من مربى الفواكة، وعليه سكر بودرة وكمية كبيرة من مكعبات الفاكهة الطازجة.

كونه واحد من أحدث الإضافات لمطاعم سيتى ستارز الكثيرة، جابيز أكيد مفضل لكثير من رواده بأطباقه اللذيذة وديكوراته الخلابة.

نصيحة 360

جابيز بـ يقدم شيشة.

أحسن حاجة

محاكاة مميزة للمطبخ العالمي.

أسوأ حاجة

الميلفيه للأسف كان عديم النكهة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح