The Definitive Guide to Living in the Capital , Cairo , Egypt

جريزلي داينر

جريزلى: واحد من أفضل الـ American Diners فى الزمالك

  • 33 شارع أبو الفدا
  • مأكولات سريعة
  • 16629
تم التقييم بواسطة
Angie El Batrawy
قيم
قيم الآن
جريزلى: واحد من أفضل الـ American Diners فى الزمالك

الحقيقة إحنا بـ نحب “جريزلى – Grizzly“.. من ساعة ما روحناه فى يوم عيد ميلاد أحد أصدقائنا وحصل حاجة أشبه بـ “الحب من أول نظرة”.. المكان مع الخدمة ومستوى الأكل باقة متكاملة تخلى أى واحد يستمتع بالقعدة هناك.

“جريزلى” موجود فى مكان معروف فى الزمالك اسمه “Club 33” بـ يضم العديد من المطاعم زي Lino’s وCoffeeShop Compnay وThe Medley وغيرها كثير، أول ما تدخل هـ تلاقيه أقصى اليمين وبـ تنزل له كام سلمة وبـ يطل على النيل، فبـ تستمتع بجو نقى ومنظر طبيعي مع الصحبة اللى معاك.

رحناه وقت كان زحمة فيه –كعادته- والجرسونات كانوا خلية نحل، على الرغم أن مش عادته لكن الخدمة فى اليوم ده كان فيها ضغط على الجرسونات وكانوا ساعات بـ ينسوا طلبات لو طلبنا منهم كذا حاجة، لكن نلتمس لهم العذر.

زيارة واحدة لصفحة جريزلى على الفيسبوك كافية أنها تخلى لعابك يسيل، بدأنا قعدتنا بطبق اسمه Sizzling Chicken (54.99 جنيه)، ومن الستيك طلبناSmother Steak  (79.99 جنيه)، ولأن كان عددنا كبير كمان قلنا نجرب Pizza BBQ Chicken (34.99 جنيه)، الفراخ والستيك كانوا أكثر من رائعين، حتى كمية الستيك كانت أكبر بكثير من الفراخ، وكل طبق لك اختيارين جانبيين من كذا اختيار زي البطاطس البيوريه أو المحمرة أو الكورن أو الأرز أو الخضار السوتيه أو الباستا.. إلخ، البيتزا حجمها كبير لكن ما عجبتش أصدقائنا زي اللحوم والفراخ، يمكن ده لأنهم American Diner مش إيطالى، لكن كانت لطيفة.

فى الحلويات جربنا الكريب بالموز (6.99 جنيه) وصوص النوتيلا (21.99 جنيه) كانت لطيفة ومبظبظة شوكولاتة وبالتالى هـ تحتاج تشرب بعدها مياه كثير (6.99 جنيه للحجم الكبير)، ومن المشروبات ممكن تختار الطلب التقليدي كوكا أو دايت كوكا (9.99 جنيه) أو دابل أسبريسو (14.99 جنيه) أو من السموزي Arizona Smoothie (23.99 جنيه)، أو ممكن تجرب حاجة جديدة زي الليمون بالبطيخ، بس بعد كده تفاجئنا أنهم حسبوا فى الآخر الليمون لوحده (9.99 جنيه) وصوص البطيخ لوحده (7.99 جنيه) وده غالبًا ميكس هما عاملينه مش موجود فى المنيو، كل المشروبات كانت منعشة وخاصة الليمون بالبطيخ، مزيج ناجح وفاجئنا جدًا بإحساسه المنعش.

بـ يضاف على الحساب بتاعك 12% خدمة، وممكن تقيم عيد ميلاد أو مناسبة أحد من أصدقائك هناك، ويفضل تحجز لأن المكان دائمًا زحمة حتى فى أيام الأسبوع العادية، والأكيد من ده كله أنك هـ تتبسط بكل شيء هناك فى واحد من أفضل أماكن الـ Amercian Diners فى القاهرة كلها مش الزمالك بس.

 

نصيحة 360

لازم تجرب البرجر اللى عند "جريزلى"، لو ما دوقتوش يبقى ولا كأنك رحت هناك.  

أحسن حاجة

مكان متكامل، هـ تتبسط فيه أكيد.  

أسوأ حاجة

اللخبطة اللى حصلت بسبب ضغط الزحمة.  

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح