The Definitive Guide to Living in the Capital , Cairo , Egypt

خارج فنادق المدينة، فرصة التمتع بأكل حلو في مطاعم القاهرة إلى حد كبير قليلة، ومش سهلة. ووسط كثير من مقدمي خدمات الطعام العاديين بـ نكون سعداء جدًا لما نلاقي مكان بجد كويس. بديكوراته الخشبية الخارجية اللي بـ تعزله عن الشارع والحديقة الصناعية اللي أمامه، “جوي” أبو الفدا في الزمالك بـ يتميز بكونه مكان مختلف للأكل.

ديكورات المكان نفس الموضوع، بتصميماتها الشيك اللى بـ تضفى إحساس شرقى بسيط. منطقة تحضير أكل مفتوحة متمركزة فى وسط المطعم، وسلالم خشبية رائعة –بدون أى نوع من أنواع الدرابزين– موجودة على جانب المكان. مجموعة من الأعمدة كونت ممر من الحجر الطبيعى، وفى نفس الوقت واحد من الحوائط مكون من أشكال من الزخارف، عبارة عن شاشة من البلور الزجاجى أمام صف من النباتات الاستوائية.

تركيزًا منهم على السوشي والمشاوى، المنيو من الوهلة الأولى واضح فيها الذوق الراقى وأكيد مش هـ تخيب ظنك باختيارتها المتنوعة من الشوربة، المقبلات الشرقية، السوشي، الساشيمي وسلاطات السى فود بالإضافة لأطباق الستيك، الأسماك والفراخ. مافيش للأسف منيو مخصوص للسوشى، بمعنى أنك محتاج تختار كل قطعة من قطع السوشي بنفسك، وده بـ يسبب تضييع الوقت والحيرة إلى حد ما.

وزى كثير من مطاعم القاهرة، منيو المشروبات مليانة كوكتيلات وعصائر فريش. قررنا نطلب كوكتيل منعش من الأناناس والسبرايت، مع مشروبات غازية مثلجة ومياه معدنية كبيرة. المطعم لسوء الحظ بـ يقدم مشروبات تقليدية زى الشاى والقهوة كاختيارات ساخنة، ومافيش أى نكهات شاى أو قهوة مبتكرة.

وصل السوشي المقرمش بطعمه اللذيذ لكل فرد حسب طلبه، من مشروم، سلامون وجبن أبيض. الحقيقة أن ده كان المطلوب بالضبط؛ قطع طازجة طعمها لذيذ، قدرت تمتع حواس تذوقنا وتثير شهيتنا للّى بعده. اهتمينا أننا نجرب سوشي أكثر، علشان كده طلبنا مجموعة من قطعتين سلامون (20 جنيه)، سمك ثعابين (22 جنيه) سكالوب (24 جنيه)، قاروص (19 جنيه) وجمبري (22 جنيه). كل واحدة منهم عبارة عن قطع لذيذة من الأرز الطرى مع قطع شهية من السمك موزعة على الوجه. طلبنا بجانب التشكيلة البسيطة أربعة من كاليفورنيا رولز (50 جنيه)، وسيكسى كاليفورنيا رولز (35 جنيه) بطعمها الحادق، عليها سلاطة السلامون المشتعل بالمايونيز المشطشط togarish mayo بسعر 60 جنيه، مع قطعتين غاليين شوية وحجمهم صغير من السلامون ساشيمى (60 جنيه). المجموعة دى كانت فى الحقيقة تحفة فنية من الطعم الطازج اللذيذ.

شوربة ميسو الكلاسيكية (20 جنيه) تعتبر فاتح شهية خفيف، رائحته جميلة وله طعم سمكى تحسه بعد الأكل. بالنسبة لاختياراتنا من اللحوم، طلبنا لحم طعمه لذيذ (90 جنيه) وشيش طاووق (40 جنيه). حجم الطبقين كان متوسط، مع سيخين لحم طري، تتبيلته روعة ومشوى بامتياز. صوص الهويزن hoisin sauce المقدم مع الفراخ كان طعمه مسكر، أما صوص الفستق فكان هو رقم واحد، بطعمه الدسم وفى الوقت نفسه واضح فيه طعم المكسرات القوى.

أحلامنا عن الحلو كلها تحققت فى صورة فروت تاور (40 جنيه)، شوكليت فوندو (35 جنيه)، آيس كريم فراولة (12 جنيه) وشوكولاتة (12 جنيه). الفروت تاور كان مجموعة رائعة من قطع الفواكة الطازجة ملفوفة حول كومة من الثلج المجروش. الشوكوليت فوندو صحيح كانت صغيرة بس عبارة عن انفجار رهيب من الشوكولاتة الساخنة السائحة، يغلفها كيكة أسفنجية طرية ومعاها آيس كريم فانيليا لطيف.

جوي بـ يقدم تجربة منعشة روشة، تقدر فيها تستمتع بأكلات شرقية أصلية وأطباق لحم بجودة هائلة.