The Definitive Guide to Living in the Capital , Cairo , Egypt

حضرموت الحرية – Hadramout El Horreya

حضرموت الحرية: مطعم يمني صغير في المعادي

  • 6 أ شارع 100
  • 0225287494,0225255417
  • 11 صباحًا - 12 صباحًا
تم التقييم بواسطة
Gaser El Safty
قيم
قيم الآن
حضرموت الحرية: مطعم يمني صغير في المعادي

ظاهرة التقليد منتشرة بشكل غير طبيعي بين المطاعم في مصر، سبب ظهور الكلام ده مش مفهوم، لكن الغريب في الموضوع أن نصف محلات الشاورما في مصر اسمها "أبو مازن"، والنصف الثاني اسمه "أبو-كذا"، وكذا ده ممكن يكون أي اسم يعجبك.

أكلة الشاورما مش نوع الأكل الوحيد اللي بـ يعاني من الظاهرة دي، عندك الأكلة اليمني المكافئة للفتّة وهي المندي، والمكونة من فراخ أو لحم ضاني بـ تدخل الفرن ومعاها أرز، ومصدرها الرئيسي مدينة حضرموت اليمنية، ومن هنا اتحكم علي أى مطعم يعمل مندي في مصر يكون اسمه حضرموت، والغريب أن المندي أكلة شهيرة في مدينة صنعاء كمان، لكن ما علينا.

واحد من النسخ دي في المعادي هو "حضرموت الحرية"، القريب من ميدان الحرية، المنيو في النوع ده من المطاعم متطابقة، فيها فراخ، لحم ضاني ولحم تيس، وممكن تطلبها مطبوخة علي طريقة المندي –تسخين اللحم والأرز مع بهارات، مكسرات وزبيب– أو طريقة المظبي المشوية العادية.

المطاعم بـ تقدم اختيارين: يا تيك آوت أو مكان للأكل مش عاطفي خالص، مطعمنا النهارده مش استثناء للقاعدة؛ المحل الصغير تصميمه مش مريح بحوائط من اللون الوردي.

طلبنا نصف فرخة مندي (27 جنيه) وكبسة باللحمة (52 جنيه)، وقت التحضير كان طويل شوية، لكننا كنا مقدّرين لأن النوع ده من الأكل بـ يحتاج وقت. لو أول مرة تجرب المندي، بلاش تستغرب من لون الفراخ المائل للوردي، هي التتبيلة كده. المشكلة هنا ما كانتش التتبيلة، المشكلة كانت في النكهة، أو بمعنى أصح عدم وجودها.

الأرز البسمتي الأصفر اللذيذ كان على عكس المعتاد، مافيش أي أثر لزبيب أو مكسرات، وده كان محبط جدًا، بس قُدم معاه خليط مشطشط من الطماطم، والفلفل والبصل (تخيَّل لو ضربت Pico de Gallo في الخلاط) قدرت تصنع نكهة مميزة للأرز.

كبسة اللحم كانت قصة ثانية، عبارة عن لحم ضاني لذيذ لما بـ يتسوّى على نار هادئة بـ تروح منه مشكلة صعوبة المضغ اللي بـ تضايق ناس كثير، اللحم طلع في الآخر طري وغني بالنكهة، أما الأرز البسمتي مع الكبسة فكان عليه زبيب ونفس خليط الطماطم الحرّاق.

بشكل عام، التجربة كانت لطيفة من ناحية الأكل، ومش مبهرة من ناحية المكان، الموظفين ودودين لكن ما فيش أي قدر من الخدمة الكويسة يقدر يعوض سوء المكان، بالنسبة للأسعار معقولة جدًا وهنا فعلاً بـ يحول حلم وجود أكلة مناسبة بسعر كويس لحقيقة وسط منطقة من مناطق القاهرة كل تركيزها على الأكلات الغريبة والجديدة، ممكن كمان تسوّي عندهم اللحم، والديك الرومي والتيس، زي ما هو موجود عند باقي الحضرموتيين.

نصيحة 360

أحسن حاجة تأكل حضرموت في بيتك؛ اتصل بـ 0225255417.

أحسن حاجة

اللحم الضاني كان روعة.

أسوأ حاجة

حضرموت الحرية كمكان مش مشجّع على الدخول.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح