The Definitive Guide to Living in the Capital , Cairo , Egypt

مطاعم
دقدق – Dokdok

دقدق: مطعم في المعادي بيعمل أحلى “فتة” سي فوود

أسماك دقدق المعادي دقدق شارع الخمسين فتة سمك فتة سي فوود مطاعم نقد مطاعم
  • 11 شارع الخمسين بزهراء المعادي
تم التقييم بواسطة
Mohamed Talaat
قيم
قيم الآن
دقدق: مطعم في المعادي بيعمل أحلى “فتة” سي فوود

بالصدفة كنا ماشيين في شارع الخمسين في المعادي وبندور على مكان جديد نجربه، لاقينا مطعم “أسماك وكبدة ومخ”، فاتح جديد اسمه “دقدق” وعلشان إحنا في كايرو 360 ما ينفعش يفوتنا حاجة في القاهرة كان لازم نزور المكان ونعرف قصته إيه.

أولًا المكان مجهز بديكور بسيط كلاسيكي. والقعدة فيه مريحة نفسيًا ومش زحمة.

بمجرد ما تدخل من الباب هتلاقي على الشمال مكان بيعرض لك “أسماك” طازة، تقدر تنقي اللي أنت عاوزه ويتسوى لك مخصوص.

لفت نظرنا إن فيه حاجة اسمها “فتة سي فوود” ودي كانت عبارة عن أرز وعيش محمص وخل وتوم، مطعمين بجمبري وسبيط، وزي ما بيقولوا “اختراع يا كوتش”، الطبق ده عجبنا جدًا، وكمان كان متظبط، مافيش حاجة أكتر من التانية، وتتبيلة الخل والتوم بتجبرك أنك تستمتع بالأكل وتفنن في الاستطعام، وسعره كان 45 جنيه.

كمان جربنا “المخ” ولكن التجربة كانت مش حلوة، رغم أن نوعية المخ نفسه ممتازة، ولكن في الغالب هي مقلية في زيت “قديم” أو نفس زيت السمك، وبصراحة سد نفسنا وخسارة فيه الـ25 جنيه غير الخدمة.

وعلشان تجربتنا تبقى كاملة طلبنا “سمك مكرونة”، اللي الكيلو بتاعه بـ 95 جنيه، ورغم أنه مش بلدي ولكن الطعم كان حلو، والتتبيلة كانت مميزة، والبهارات أعطته طعم مميز وحلو خلتنا نخلص الطبق كله، ومن الواضح أن التخديم على التتبيلة بإنها كانت واخدة فترة طويلة منقوعة فيه، وده لو تعلمون شئ عظيم.

ونوصيكم تاكلوا سلطة خضراء من عندهم، بـ5 جنيه وتستاهل تاكل منها طبقين و3 كمان، وعندهم سلطة “رنجة” جميلة جدًا، ومع البهارات وطريقة تحضيرها هتشك في نفسك هل دي تونة ولا رنجة، ولازم تجربوها وهي بـ15 جنيه.

المحل فيه جملة ساخرة عظيمة جدًا مكتوبة على الحيطة  خلتنا نطمن على أكلنا، “I’m on a seafood diet. I eat everything I see“.

 

وأثناء ما بنحاسب كان فيه حاجة غريبة إن المحل بيحاسب على “العيش” بـ6 جنيه، على الرغم إننا مطلبناش عيش زيادة، وكمان أكيد مش هناكل بإيدينا، ونتمنى أنهم يلاحظوا ده علشان الفرد لما يأكل رغيف بالسعر ده كتير جدًا.

نصيحة 360

ممكن تطلبهم من خلال الرقم ده: 01200547070

أحسن حاجة

الفتة

أسوأ حاجة

المخ

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح