The Definitive Guide to Living in the Capital , Cairo , Egypt

مطاعم
رضوان

رضوان: أكل مصري سعره مناسب في الدقي

أرز بالشعرية أكل رخيص الدقي رضوان سلاطة خضرا شاي بالنعناع فراخ مطاعم القاهرة
تم التقييم بواسطة
Cairo 360
قيم
قيم الآن
رضوان: أكل مصري سعره مناسب في الدقي

فيه مطاعم في القاهرة بتحسسك إنك في بيتك مش في مطعم! ورضوان من المطاعم دي.. يمكن يكون مش أشيك ولا أوسع ولا أجمل مطعم لكن المكان ده فيه حاجة تخليك تحبه.. ممكن تكون بساطته.

لما هتعدي من أمام رضوان في ميدان الدقي مش هتحس أن المكان ده فيه صالة أصلًا، هتحس أنه تيك أواي بس، منظر الزحمة على بابه ومدخله الضيق يديك إحساس بكده. لكن لما هتطلع فوق هتحس إنك انتقلت لعالم تاني من الهدوء والراحة النفسية.

السلم اللي بيطلعك للصالة صغير جدًا وموجود في نهاية الدور الأرضي من المطعم، هتقدر تعدي منه بالعافية، الصالة نفسها مش واسعة والسقف واطي شوية، لكن بمجرد ما هتقعد هتحس براحة، وكأنك معزوم عند حد من أصحابك.

الموظفين في الصالة أسلوبهم بسيط في التعامل معاك، بيخلوك براحتك وممكن بعض الناس تحس إن ده عدم اهتمام منهم، لكن على العكس إحنا شوفنا ده أمر إيجابي.. تاخد وقتك في القعدة وتبص على المنيو براحتك لحد ما تاخد قرار هتأكل إيه. ماحدش كل شوية بيضايقك بجملة “تحب تطلب إيه” اللي ممكن تسربعك!

ندخل على المفيد.. طلبنا طبق سلاطة مشكل وده ثمنه 15 جنيه، الطبق حجمه كبير ومليان أنواع سلاطات مختلفة زي الكول سلو والثومية والباذنجان والمخلل المشكل والسلاطة الخضراء.. كمية مناسبة تخليك مبسوط وكان واضح نظافة السلاطات.. يعني تأكلها وأنت مطمئن.

المكان بيقدم وجبات وساندوتشات، والمنيو فيها أصناف كتير بيغلب عليها الطابع المصري.. قررنا نطلب فراخ مشوية لأننا سمعنا أن المكان مشهور بأجمل فراخ.. طلبنا وجبة نص فرخة مشوية، ودي ثمنها 43 جنيه وبينزل معاها أرز وبطاطس محمرة.

توقعنا أن الطلب ممكن يتأخر علينا بسبب الزحام في المكان.. لكنه فعلًا وصل لنا بسرعة.. ودي بالنسبة لنا حاجة تحسب للمكان.

الفراخ فعلًا كانت مميزة.. لونها الذهبي يخطف عينك، والأرز اللي معاها اخترناه يكون بالشعرية.. فعلًا فكرنا بالأرز اللي بناكله في البيت.

الفراخ بتتميز أنها مستوية حلو.. وطرية.. جودة الفراخ واضحة يا جماعة! الأرز كان مظبوط جدًا من حيث البهارات وحسينا إن الكمية كافية جدًا لفرد.

بعد الأكل طلبنا شاي بالنعناع، وده ثمنه 10 جنيه، شاي يظبط الدماغ والنعناع يساعد على الهضم.

لاحظنا إن أغلب الموجودين في المكان عائلات مش مجرد شباب، والمكان فعلًا مناسب أكثر للعائلات. لكن بسبب أن الأسعار مناسبة جدًا لخروجة شبابية مش هتكلفك كتير.. فبنرشح لك رضوان لو بتفكر تعزم أصحابك أو أسرتك ووقتها هتستمتع بأكل كويس وبسعر معقول جدًا.

نصيحة 360

أوعى تروح هناك وما تجربش الفراخ

أحسن حاجة

أجمل حاجة في المكان بساطته، وأسعاره المناسبة

أسوأ حاجة

السلم ضيق قوي ويخنق!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح