The Definitive Guide to Living in the Capital , Cairo , Egypt

ساباي ساباي

ساباى ساباى: مطعم تايلاندى حقيقى فى الزمالك

  • الجزيرة الوسطى
  • تايلاندي
  • 01003921736
تم التقييم بواسطة
Frida Alim
قيم
قيم الآن
ساباى ساباى: مطعم تايلاندى حقيقى فى الزمالك

أكيد صعب تلاقى أكل تايلاندى بجد وسط مطاعم القاهرة، و”ساباى ساباى – Sabai Sabai” بمكانه الجديد تحت مترو ماركت فى الزمالك أصبح محير شوية لكثير من سكان القاهرة. يفط كثير حول المبنى بـ ترشدك لمكان المطعم عند نافورة صغير بـ ترحب بك أمام أبواب المطعم. رغم أن افتتاحه كان فى آواخر 2012، لكن المطعم من كلام الناس أصبح من أشهر المطابخ التايلاندية فى القاهرة. سنة 2008 كان موجود فى مكان ثانى فى الزمالك -بس دلوقت فتح مكانه “تاى إيليفنت- Thai Elephant” وبعدها قفل الفرع ده وفتح فى أكثر من مكان فى المدينة.

سحر المكان الصغير نابع من الديكورات المستوحاة من الروح التايلاندية باللون الأبيض، وده بـ يخليه مكان مناسب لكل الناس اللى تقدر توصل لمكان المطعم المستخبى. أول ما دخلنا قابلنا الجرسون اللى سلمنا منيو فيها اختيارات متنوعة من المقبلات، الأطباق الرئيسية والحلويات. أول طلب لنا كان Pia Pak (12جنيه) ودى عبارة عن سبرينج رولز خضروات مع شوربةKeaw Nam wanton (30 جنيه). السبرينج رولز كانت ملفوفة بإحكام، مقلية بشكل ممتاز وبـ يُقدم معاها تشيللى صوص للتغميس. الشوربة كانت خليط مميز من المكونات الطازجة زى عشب الليمون، وكزبرة ومشروم، كلهم وسط مرقة مع زلابية الجمبرى shrimp dumplings المغلفة فى لفافة wanton.

رغم أن كان فيه فرق توقيت بين تقديم المقبلات والوجبة الرئيسية، لكن الجرسون انتبه لطلبنا، وبعد شوية وصلت أطباقنا الرئيسية ببخارها الكثيف. وبرغم إحباطنا من عدم وجود الفستق المطحون اللى دائمًا بـ يزين الطبق، لكن طعم الباد تاى (49 جنيه) بنكهة البندق أضافت لسعة لذيذة لصوص البرتقال الحلو والحادق. نزل مع الباد تاى كمية كبيرة من الفول النابت وجزر مقطع بمهارة على شكل وردة. طبق Hor Mok Talay (54 جنيه) برضه كان طازج، عبارة عن سلامون عائم على صوص كارى أحمر خفيف. مع أننا طلبنا الطبق عادى، لكن الصوص كان حراق. قدرنا نسامح الغلطة دى علشان تنوع النكهات الموجودة فى الطبق، والأرز بالياسمين قدر يقلل من الطعم المشطشط.

بالنسبة للحلو، قررنا نستمتع بطبق Khao Niao Kaeo (30 جنيه)، أو أرز بالمانجو وBua Loi (22جنيه) أو كرات الأرز. عرفنا أن مافيش مانجو وبـ يقدموا مكانه شرائح طازجة من الموز. رغم أن مافيش حاجة تعدل طعم المانجو اللذيذ مع الأرز بس حسينا أن طعمه كان حلو رغم أنه كان جاف شوية. كرات الأرز العائمة وسط لبن بجوز الهند كانت تحفة. الطبق قُدم دافئ مع كرات أرز طرية عائمة فى لبن مسكر بجوز الهند.

عرفنا أن “ساباى ساباى” جملة تايلاندية ترجمتها “مش عاوز حاجة من الدنيا”، وده تعبير عن الرضا والسعادة؛ جملة معناها قريب من إحساسنا بعد انتهائنا من الأكل. القعدة المريحة والمكونات الطازجة كلها عوامل أكيد ترجعنا هنا من جديد علشان نشبع رغباتنا من الأكل التايلاندى اللذيذ بأسعاره المعقولة فى قاهرة المعز.

نصيحة 360

"ساباى ساباى" عنده خدمة توصيل! اتصل على 01001702827.

أحسن حاجة

مكونات طازجة ممتازة تحقق النكهة التايلاندية الأصلية.

أسوأ حاجة

مش كل المكونات بـ تكون دائمًا موجودة، بـ تفرق حسب الموسم.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح