The Definitive Guide to Living in the Capital , Cairo , Egypt

سنكاوشت

سانكاويشت: مكان جديد دليفري وبس في الدقي

  • 28 شارع لطفي حسونه (متفرع من شارع النيل)
  • 16676
تم التقييم بواسطة
Haisam Awad
قيم
قيم الآن
سانكاويشت: مكان جديد دليفري وبس في الدقي

لو
بـ تزهق من مشاوير الأكل وأنك تنزل مخصوص علشان تروح مطعم وسط الزحمة وأحيانًا
الفوضى في الشوارع وزهقت من مطاعم الدليفري المعتادة، اكتشفنا لك محل جديد اسمه «سانكاويشت
– Sankawicht» بـ يعمل ساندويتشات دليفري وبس، وبـ يوصل لكل مناطق القاهرة من
خلال الـ 3 مطابخ اللي عنده في المعادي والدقي وهليوبوليس.

اتصل
بـ 16676 رقم خدمة العملاء بتاعهم، واتكلم مع واحد من العاملين وهم بالمناسبة
مهذبين جدًا، وسيب كل بياناتك زي الاسم والعنوان والتليفون علشان لما تحب تطلب في
المستقبل، واعمل الطلب بتاعك، وهم هـ يطلعوه من أقرب مطبخ للمكان اللي أنت فيه.

كل
الأصناف في «سانكاويشت» ممكن تتقدم بـ 3 طرق، ساندويتش أو كومبو أو طبق. لما تطلب
الكومبو بـ يزود باكيت بطاطس وكان بيبسي. الطبق بـ يبقى نفس الصنف معاه أرز بسمتي
وخضار وعيش.

بعد
يوم شغل طويل في مكتب كايرو 360 قررنا نجرب المكان الجديد ده، وبالاسم كده من غير
ما نفكر اختارنا ساندويتش اسمه “كوكو جامبو”، وكان قطع فراخ مشوية
ومشروم وموتزاريلا وخيار مخلل ومايونيز، ومع كل المكونات دي أكيد الساندويتش كان
زروَطة زي ما إحنا كنا عايزين! الفراخ كانت ممكن تتبل أكثر من كده شوية، لكن
الجبنة كانت لذيذة وطبعًا المايونيز بـ يحلي أي حاجة. البطاطس كانت حلوة ومقرمشة
زي ما الناس بـ تقول على بطاطس «ماكدونالدز»، كانت باردة شوية بعد التوصيل، لكن
كانت حلوة بجد.

طلبنا
طبق “الشمروخ” برضه بالاسم! كان عبارة عن جمبري مشوي في علبة بلاستيك
فيها بجانب الكمية القليلة من الجمبري كمية ضخمة من الأرز وكمية معقولة من الخضار
أو فاصوليا وجزر فقط!

الأرز
للأسف كان مش حلو خالص، فكرنا طعمه بالمحاولات الفاشلة لنا وإحنا بـ نعمل أرز وإحنا
لسه بـ نتعلم! كان ناشف ومالوش طعم! وكان غرقان في صوص التارتار اللي جاي مع
الجمبري.

جربنا
طبق اسمه “مزاجنجي”! وده لازم يتقدم طبق مش ساندويتش، سيخين كفتة
وقطعتين فراخ وقطعتين شيش طاووق وواحدة هوت دوج؛ شكلها حاجات كثير.. صح؟ لكن الفكرة
أن القطع صغيرة قوي رغم أن طعم اللحوم عمومًا حلو ومعمولة كويس لكن دائمًا ناقصة
شوية توابل، والهوت دوج كان جامد.

أسعاره
تقريبًا زي أسعار «هارديز» و«كوك دوور». «سانكاويشت» مش بـ يقدم حاجة مميزة ممكن
يشجعنا بها أننا نجيب منه بدل المطاعم المعروفة اللي إحنا متعودين عليها.

نصيحة 360

فيه نوعين من الحلويات في المكان، أرز باللبن وساندويتش "ساكالانا" (حلاوة وعسل وقشطة) والاثنين بسعر 6 جنيه.

أحسن حاجة

أسماء الساندويتشات غير التقليدية!

أسوأ حاجة

العيش تحس أنه بايت!

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح