The Definitive Guide to Living in the Capital , Cairo , Egypt

مطاعم
ستيك أوت – Steak Out

ستيك أوت: مستوى ضعيف لفرع ستيك أوت فى هليوبوليس

  • 115 شارع عمر بن الخطاب
  • عالمي
  • 12 مساءً - 12:30 صباحًا -
تم التقييم بواسطة
Gaser El Safty
قيم
قيم الآن
ستيك أوت: مستوى ضعيف لفرع ستيك أوت فى هليوبوليس

أوقات كثير، كل اللي بـ تكون محتاج له علشان تنسى يوم طويل كله تعب هو مطعم ستيك كويس، طلبنا كان مطعم مافيهوش لف ودوران كثير، ومن هنا قررنا نطلع على المكان المثالي.

بعد ما عملوا سمعة لنفسهم وانتشروا في العاصمة، "ستيك أوت – Steak Out" بـ يقدم لكل المصريين أجواء لطيفة، بس يمكن الموضوع ماشي بنفس الشكل في كل الفروع من غير أي تغيير، مع أكل كويس وكميات مناسبة جدًا.

فرع هليويبوليس أمام تيفولي دوم عبارة عن نفس الألوان البني الغامقة/ السوداء والأحمر مع قعدات مريحة زي باقي الفروع، بالنسبة لناس كثير، فكرة الشكل الواحد لكل الفروع حتى في الديكورات يعتبر جزء من سحر المكان.

أول ما قربنا من الباب، واحد من الجرسونات فتح لنا ورحب بنا بابتسامة، طلبنا منه نقعد في منطقة التدخين وفي ثواني كان أمامنا المنيوهات وزجاجة مياه.

بعد رحلة من التفحيص والتمحيص في المنيو، طلبنا شوربة كريمة فراخ (15.90 جنيه) مع كانتري تشيكن سيزار سلاد (44.90 جنيه) علشان نبدأ بهم، نروح على المفيد، الأطباق الرئيسية كانت بيف فيليه بالبيبر صوص (81.90 جنيه) وستيك أوت فرايد تشيكن (64.90 جنيه).

بعد وقت بسيط وصلت الشوربة والسلاطات، طعم الشوربة ما كانش ولابد، صحيح كان فيها نكهة قوية بس من غير أهم عنصر في الشوربة؛ المرقة. نروح على السلاطات بكميتها الكبيرة والمكونة من خس، عيش محمص وقطع من فراخ مقلية وعليها دريسينج لطيف بس مش واو يعني، الملخص أن الطعم كان أكيد لطيف، بس مش حاجة ممكن نفكر فيها كثير.

انتظرنا وصول الأطباق الرئيسية على أمل نغير رأينا، بعد شوية، وصل الجرسون ومعاه الأطباق وبدأ يفضي الترابيزة قبل ما ينزل الأكل. رغم أننا طلبنا الفيليه يكون medium، بس للأسف كان medium well، وبكده اللحم كان صعب المضغ من بره، بس قلب اللحم نفسه أحمر لون الدم. الطلبات الجانبية من البطاطس المحمرة والسويت كورن كانت معقولة.

نفس الكلام بالنسبة لمستوى الفراخ المقلية، المكونة من قطعتين صدور فراخ محشية سبانخ وجبن موتزاريلا، كان واضح جدًا أن الفراخ مجمدة، والحشو مش ماشي مع الفراخ أصلًا. من وجهة نظرنا أن جبن الريكوتا كانت اختيار أنسب، طلب الأرز البسمتي كان عادي جدًا.

بصراحة، الموضوع كان محبط بجد، إحنا جربنا ستيك أوت في كذا فرع، وكان واضح جدًا أن مستوى الفرع ده بعيد تمامًا عنهم، بـ ننصحهم يهتموا بموضوع المستوى الثابت، وكمان يا ريت يا جماعة تعملوا حاجة في الأطباق الجانبية، أصل مافيش فيها اختراع يعني!

نصيحة 360

ستيك أوت بـ يوصل؛ اتصل بـ 0224185269.

أحسن حاجة

الكانتري تشيكن سيزار سلاد.

أسوأ حاجة

تسوية الستيك.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح