The Definitive Guide to Living in the Capital , Cairo , Egypt

مطاعم
Tablia Balady – طبلية بلدي

طبلية بلدي.. فطارك برة بطعم البيت

اكل بيتي جلاش حجز رمضان طبلية بلدي فراج فطار منيو
  • 8 شارع عبد المجيد الدرملي، عابدين
تم التقييم بواسطة
Mohamed Talaat
قيم
قيم الآن
طبلية بلدي.. فطارك برة بطعم البيت

أغلب المطاعم وأماكن الكل المميزة في رمضان بتكون زحمة. وعلشان تروح تاكل فيها لازم تحجز. ده بينطبق على “طبلية بلدي”، اللي روحنا جربناه أكله وجايين نقول لكم تجربتنا.

المكان مش معروف لكتير. والحقيقة مشفناش حتى يافطة فيه. لازم الحجز قبل ماتروح، وده عن طريق التليفون أو صفحة فيسبوك. المحل قطعتين، والمطبخ مكشوف. وبيتقدم لك الأكل بيتي. كل يوم عندهم منيو مختلف تختار منه. يعني لازم تراجع الأول عندهم إيه وبعدين تحجز.

وصلنا المكان وكان زحمة جدًا. ورغم الضغط الشديد، كانوا خلية نحل شغالة. وابتسامتهم سابقة أي حاجة. الطلب كان عبارة عن بطاطس بالفراخ (55 جنيه). البطاطس كانت مطبوخة بشكل صحى، والزيوت قليلة فيها وصحية. عجبتنا جدًا. والفراخ كانت حلوة رغم إنها ناشفة شوية. وكانت محتاجة تتحمر بشكل أفضل.

كمان طلبنا مكرونة بشاميل (قطعة 35 جنيه). البشاميل كان كتير، واللحمة كانت محتاجة تزيد شوية. طلبنا طبق محشي (30 جنيه). كان فيه 7 قطع باذنجان، وقطعة كوسة وزيها فلفل. ماكنش فيه ورق عنب. بس عمومًا طعمه كان حلو.

طلبنا برضه قطعتين جلاش باللحمة المفرومة (15 جنيه القطعة). دي كانت أحسن حاجة في الأكل، وطعمها تحفة. العصير الطبيعي عندهم بـ 15 جنيه، وده غالي جدًا بالنسبة لأسعار وسط البلد في رمضان.

صفحتهم على فيسبوك.

نصيحة 360

ماتطلبوش مخلل لأن كله جزر

أحسن حاجة

الجلاش

أسوأ حاجة

عصير الدوم

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح