The Definitive Guide to Living in the Capital , Cairo , Egypt

  • 82 شارع 9، أمام مصرف أبوظبي الإسلامي
  • 12:00 - 13:00
تم التقييم بواسطة
Mohamed Talaat
قيم
قيم الآن
عم حواوشي في المعادي.. مطعم بسيط لكن أكله مدهش
82 شارع 9، ممر ممكن ماتخدش بالك منه، بالتحديد قدام مصرف أبوظبي الإسلامي، فاتح جوه الممر ده حد بيعمل أكلات مشوية، وللوهلة الاولى هتبقى قلقان تاكل منه، ولكن إحنا في كايرو 360 قررنا نجرب علشان ننقل لكم خبرتنا مع «عم حواوشي».

دخلنا المكان، وقعدنا جالنا “ويتر” اللي هو نفسه “الشيف”، وقررنا نبدأ بحاجة بسيطة، وطلبنا رغيف “عم حواوشي”، مضاف له جبنة موتزاريلا مع قوطة وبطاطس، وكنا متابعين الحواوشي وهي بتتشوي على الفحم، وفي خلال 15 دقيقة، الطلب كان نزل ومعاه كاتشب ومايونيز وكمان خيار مخلل، وأول ما دقنا الرغيف اللي كان بـ48 جنيه، اعتذرنا لنفسنا إننا مجربناش قبل كده المكان ده، لأن الطعم كان مميز جدًا، والبهارات كانت مظبوطة جدًا، والريحة تحفة، واللحمة كانت دايبة مع الموتزاريلا وتحس إنك بتاكل استيك فرنسي.

اتشجعنا وكإعتذار لنفسنا طلبنا رغيف حواوشي عادي، بـ30 جنيه، وكان كويس ولكن تحس أنه ناقصه حاجة بدون الجبنة أو الإضافات السرية اللي في البهارات، وكمان جربنا رغيف “حواوشي الشيف حسن” بـ50 جنيه، ودي كانت متغرقة في الجبنة الروسي والموتزاريلا، وطعمها كان أصلي، ويستحق أنك تاكل وتتمزج.

عم حواوشي عنده كمان فراخ وكفتة وكبدة وسجق وفاهيتا وبرجر، والحلو بتاعه أم علي وقرع عسل، بس للأسف مقدرناش نجرب حاجة بعد الحواوشي اللي أكلناها عنده علشان كنا شبعنا جدًا من جمال الطعم.

خرجنا من المكان البسيط وإحنا سعداء جدًا بالتجربة.

نصيحة 360

رقمهم 01061986666

أحسن حاجة

الحواوشي يجنن

أسوأ حاجة

كنا نتمنى المكان يكون أوسع وقعدته مريحة أكتر

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح