The Definitive Guide to Living in the Capital , Cairo , Egypt

مطاعم
فاروس ميدترانيان ريستوران – Faros Meditarian Restaurant

فاروس ميديترانيان ريستوران: أكل ممتاز من مطعم متوسط فى المعادى

  • 25 شارع النادي
  • عالمي
  • 8 صباحًا - 2 صباحًا -
تم التقييم بواسطة
Gaser El Safty
قيم
قيم الآن
فاروس ميديترانيان ريستوران: أكل ممتاز من مطعم متوسط فى المعادى

عادة فى رحلتنا وسط عالم الأكل القاهرى غير المتوقع، قابلنا مطاعم مش شرط يكون مكانها مستخبى، لكن الأكيد أنك عمرك ما هـ تفكر تلقى عليها نظرة ثانية من الأساس. لمّا تشوفها فاضية بـ تسأل نفسك، هل دى علامة؟ يفضل الشك يملأ قلبك لآخر ثانية، تختار كرسى، تشوف المنيو، وفى النهاية تطلب بعد ما تفك شفرة المنيو. كلامنا فكّرك بحاجة؟ طب فى رأيك مش حاجة حلوة لما الهدية فى الآخر تكون أكل جامد؟ ما سألتش نفسك ليه ما بـ تأكلش هنا أكثر؟

“فاروس” واحد من المطاعم دى، جوهرة غايبة عن أهل المدينة وسط غموض المعادى. مع كل مناطق القعدة فى الخارج أو الداخل، المكان فعلاً مميز للاستمتاع بأى وجبة وترك همومك خلف الباب، أو فى منطقة لعب الأطفال!

مع درجات البيج على الحوائط، ترابيزات بنى غامق مع كراسى بوسادات بيج وموف، ومنطقة لاونج بكنب أسود، كل حاجة كانت مجهزة بحيث تستمتع بتجربة أكل رائعة.

الجرسون بكل أدب وصلّنا لترابيزتنا وسلمنا المنيو الكبيرة. مشينا مع المنيو سريعًا وقررنا نطلب شوية مقبلات مثيرة.

اختارنا كبد فراخ بصوص الرمان (21.95 جنيه) وسبرينج رولز فراخ وخوخ (24.95 جنيه) اللى كانت غريبة ومختلفة شوية. مرقة الكبد بصوص الرمّان كان روعة، فيها لذعة رائعة وفى نفس الوقت مذاق لذيذ. الكبد نفسها، كانت طريّة ومطبوخة بامتياز.

السبرينج رولز، صحيح بـ تقدم طعم لذيذ مسكّر على طبق المقبلات التقليدة، كانت جافة شوية بسبب العجينة السميكة أكثر من اللزوم. صحيح يحسب للشيف أن السبرينج رولز مش ثقيلة أو مزيّتة بزيادة، لكنهم بعدوا شوية عن المطلوب.

من بين الأطباق الرئيسية، طلبنا فيليه مشوى (71.95 جنيه) -medium rare– وفيل سكالوبينى فونجىVeal Scallopini Funghi  بسعر 74.95 جنيه والحجم medium.

الفيليه المشوى، وعليه صوص مشروم لذيذ، قُدم مع بطاطس مهروسة وخضار سوتيه. عملية الطبخ تمت حسب طلبنا، واللحم فعلاً كان طرى ولذيذ. البطاطس المهروسة كانت مغطاة بطبقات من الخبز المطحون والجبن، قدروا يضيفوا قرمشة بسيطة، لكن الخضروات تتبيلتها كانت زيادة شوية.

طبق الفيل سكالوبينى كان عبارة عن شرائح رفيعة من لحم العجل وسط مشروم لذيذ، مع بصل وصوص زبدة، معاهم مكرونة بنّه بالصوص الأبيض. اللحم رغم أن طبخه كان زائد شويه، قدر الصوص أنه يعوضه، لكن للأسف، المكرونة كانت متوسطة الطعم وزيادة على الفاضى.

فاروس مش بـ يكسر أى قواعد، لكن أحيانًا لما الموضوع يكون عن الأكل فى القاهرة، من اللطيف أنك تحصل على طلبك بدون ما تشعر أنك اتغشيت.

نصيحة 360

فاروس بـ يوصل، اتصل بـ 0223597977.

أحسن حاجة

كبد الفراخ بصوص الرمان كانت تحفة.

أسوأ حاجة

المكرونة العادية.

أكتب تقييم

أضف تعليقاً

يجب أنت تكون مسجل الدخول لتضيف تعليقاً.

مقترح