The Definitive Guide to Living in the Capital , Cairo , Egypt

مطاعم
كريف – Crave

كريف: المكان المفضل لأي عيلة في المعادي

أكل لذيذ المعادي شريمب شوكولاتة عصير فوندو كريف كنافة مطاعم مطبخ عالمي مقال نقدي نقد
  • 30 شارع 213
  • عالمي
  • 10 صباحاً - 1 صباحاً -
تم التقييم بواسطة
Nagla Ashraf
قيم
قيم الآن
كريف: المكان المفضل لأي عيلة في المعادي

من الأماكن القليلة اللي قادرة تبهرنا بمستواها المتميز سواء كنا في رمضان أو العيد. ورغم زحمة الطلبات والوقت الضيق، إلا أنهم عارفين كويس هم بيعملوا إيه. وبيقدموا دايمًا الطلبات بنفس الدقة والبراعة المعتادة. وزيارتنا لفرع كريف في المعادي كانت في وقت زحمة فترة الأعياد، إلا أن الأكل كان يجنن كالمعتاد.

طلبنا شريمب كنافة بـ 83 جنيه، ووفيليه أويستر صوص بـ 171 جنيه، وبيف ترايكي بنفس السعر. وبعد كده شوكولاتة فوندو بـ 60 جنيه وعصير كوكتيل كاب كودر بـ 31 جنيه، ومارجريتا بـ 30 جنيه.

الشرميب كنافة جيه سخن ومقرمش كالعادة وخلص في ثواني. وبرغم إنهم 6 قطع بس، إلا إن طعمهم حكاية مابنقدرش نقاومه كل مرة. ما بين قرمشة قوام الكنافة والجمبري الطري، اللي لما بتغمزه في صوص السويت أند شيلي بيعملوا المزيج المظبوط.

بعد فترة قليلة وصلوا الأطباق الرئيسية، وطبق الفيليه أويستر اختارنا جنبه بطاطس محمرة ورز. وتسويته ميديام ويل. ولازم نعترف أنه كان مستوي على الشعرة بالظبط زي ما الكتاب بيقول. فعلًا كان مظبوط والصوص كان رائع. وده صعب يتظبط في أي مكان، بس كريف عمره ما خيب ظننا فيه.

أما البيف ترايكي فإحنا استمتعنا بكل قطمة فيه. هو عبارة عن قطعة لحم ستيك وعليها صوص الترياكي المسكر، فوق ورق السبانخ مع جلاس نودلز بالخضار. طلبنا تسويته ويل دون، والصوص كان متماسك ومتناسق جدًا مع باقي الطبق. ولو إن نص ليمونة كان ممكن توزان الدنيا أكتر، بس الطعم كان مميز لأي حد بيحب ياكل الحلو مع الحادق.

برضه المشروبات كانت رائعة بالذات المارجريتا، اللي مكونة من سفن أب وعصير بلو كرواسون وتفاح وكيوي وليمون، في مكعبات ثلج لونها أزرق في أخضر. لكن الكاب كودر واللي مكون من سفن أب ومكعبات ثلج ميكس من أنواع التوت كان عدد الثلج فيه أقل من العادي بتاعهم. مش عارفين ده بسبب الضغط في اليوم ده ولا هم غيروه.

أما بقى الحب كله فهو من نصيب الشوكولاتة فوندو اللي كل ما نروح لازم نجربها. برغم أنها بتاخد حوالي نص ساعة لحد ما تتعمل، لكن طعم الآيس كريم الفريش، مع صوص الشكولاتة والكيك الهشة الطازة  مش هيخليك تندم أبدًا أنك طلبتها. حتى لو معدتك مافهياش مكان.

تجربتنا في كريف كانت مميزة ونتمنى دائمًا المكان يفضل محافظ على مستواه.

نصيحة 360

لازم تجربوا الشوكولاتة فوندو

أحسن حاجة

كل حاجة تقريبًا

أسوأ حاجة

كان فيه بعض العصائر مش وجودة وقت زيارتنا من الزحمة خلصت

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح