The Definitive Guide to Living in the Capital , Cairo , Egypt

مطاعم
كنوز

كنوز: مطعم مصري كلاسيكي في سيتي ستارز

  • خان الخليلي، المرحلة الأولى
  • مصري
  • 12 ظهراً - منتصف الليل -
تم التقييم بواسطة
Haisam Awad
قيم
قيم الآن
كنوز: مطعم مصري كلاسيكي في سيتي ستارز

سيتي
ستارز العملاق بقى فعلًا أحسن مكان تلاقي فيه أي حاجة وكل حاجة، صحيح لسه فيه ناس
بـ تكرهه! لكن لو عاوز تأكل وتتسوق وتتمشى مش هـ تلاقي مكان أحسن من كده تعمل فيه
كل حاجة. من الحاجات المميزة في المول ركن خان الخليلي اللي في الدور الرابع،
مليان محلات تحف فرعونية وبازارات بجودة مش ممتازة يعني، لكن فيه هناك كمان مطعم «كنوز
– Kenoz».

القعدة
مقسمة لمطعم وكافيه، على عكس الأماكن في خان الخليلي الحقيقي، المكان واسع ونظيف
ومريح. الديكور بسيط ورزين ومش واخد ستايل معين، باستثناء بعض الرسوم الزيتية على
الجدران لخيول عربية أصيلة في معارك حربية.

بدأنا
وجبتنا بمجموعة من المشهيات الباردة والساخنة، زي الطحينة (9 جنيه) وأجنحة الدجاج
(18 جنيه) وطبق باذنجان بالزبادي (17.5 جنيه). طعم الطحينة كان قريب من طعم الحمص
لكن كانت لذيذة، والباذنجان طبعًا كان خطير، مخلل على الطريقة المصرية ومغطي بالزبادي
السادة اللي بـ يظبط طعم الباذنجان المملح جدًا. رغم أن أجنحة الدجاج قُدمت باردة
ومش مخدومة كفاية، لكن الدريسنج اللي نزل معاها المصنوع من الليمون والفلفل والثوم
ظبط الدنيا شوية.

في
الطبق الرئيسي اختارنا المسقعة (36 جنيه) وطبق كباب بتلو (53 جنيه). المسقعة جاءت
لنا ساخنة في طاجن فخار بيضاوي وكانت مليانة لحمة مفرومة، لكن مع صلصة الطماطم
الكثيرة؛ طعم المكونات الأصلية تاه وفضل طعم الصلصة.

الكمية
في طبق الكباب كانت وفيرة جدًا، والتوابل كانت بالمقاس، المشكلة فقط أنه كان مستوي
زيادة شوية. البطاطس اللي كانت مع الطبق كانت لذيذة وكثيرة، والطبق عمومًا مشبع
جدًا لأي حد جعان.

بعد
الأكل طلبنا عصير فراولة (13.5 جنيه) وبرتقال (12.5 جنيه). والأخير كان رائع ومزز
مزازة حلوة، والفراولة حلوة برضه لكن طعمها كان قالب على توت أو راسبيري.

محاولة
استنساخ خان الخليلي في هليوبوليس مش هـ نعلق عليها، إنما ممكن نقول أن مطعم «كنوز»
هو تجربة لطيفة في حد ذاتها. من الصعب أنك تنبهر بالمنيو والأطباق التقليدية
والعادية جدًا اللي بـ يعملها المحل، لكن المهم أنه فعلًا بـ يعملها بحرفنة.

نصيحة 360

لو مش عاوز أكل مصري، «كنوز» بـ يقدم بعض الأطباق العالمية والباستا والسلاطات والساندويتشات.

أحسن حاجة

أكل مصري كلاسيكي، والخدمة سريعة.

أسوأ حاجة

المطبخ المصري بطبيعته مش مبتكر، وعلشان كده الاختيارات في المنيو محدودة.

Map Data
Map data ©2016
Map DataMap data ©2016
Map data ©2016

أكتب تقييم

أضف تعليقاً

برجاء تسجيل الدخول لكي تتمكن من اضافة تعليق.

مقترح